ОБУ ҲАВО: имрӯз ҳавои Тоҷикистон тағйирёбанда мешавад

ДУШАНБЕ, 19.04.2019. /АМИТ «Ховар»/. Имрӯз дар ҷумҳурӣ ҳавои тағйирёбанда  шуда, дар баъзе ноҳияҳо борони кӯтоҳмуддат меборад. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои манбаъ, имрӯз дар Вилояти Мухтори Кӯҳистони Бадахшон ҳавои тағйирёбандаи бебориш мешавад. Ҳаво дар ғарби вилоят  шабона 4-9 ва  рӯзона 15-20  дараҷа гарм  мешавад. Дар шарқи вилоят  ҳаво   шабона   2-7 дараҷа сард шуда, рӯзона  6-11 дараҷа гарм мешавад.

Дар вилояти Суғд    ҳавои тағйирёбанда шуда, рӯзона дар баъзе ноҳияҳо борони кӯтоҳмуддат ва раъду барқ ба амал меояд. Дар  баландиҳои зиёда аз 3 ҳазор метр барф меборад. Шамол аз самти шарқ  бо суръати 3-8 ва дар ноҳияҳо бо шиддати то 10-15 метр дар як сония  мевазад. Ҳаво  дар водиҳо шабона 12-17  ва  рӯзона 21-26 дараҷа гарм  мешавад. Дар  ноҳияҳои кӯҳӣ ҳаво шабона 3-8   ва  рӯзона  15-20  дараҷа гарм мешавад.

Дар вилояти Хатлон  ҳавои тағйирёбандаи  бебориш дар назар аст. Танҳо  дар охири рӯз дар баъзе ноҳияҳо борони кӯтоҳмуддат борида, раъду барқ ба амал меояд. Ҳаво дар водиҳо шабона 12-17 ва рӯзона 24-29 дараҷа гарм мешавад.  Дар доманакӯҳҳо ҳаво шабона  8-13   ва   рӯзона 20-25 дараҷа гарм  мешавад.

Дар шаҳру ноҳияҳои тобеи марказ  ҳаво тағйирёбанда шуда, рӯзона дар баъзе ноҳияҳо борони кӯтоҳмуддат меборад. Раъду  барқ ба амал меояд. Дар  баландиҳои зиёда аз 3 ҳазор метр барф меборад.  Ҳаво  дар водиҳо шабона 8-13  ва рўзона 21-26 дараҷа гарм мешавад.  Дар  ноҳияҳои кўҳӣ ҳаво шабона 5-10  ва  рўзона 17-22  дараҷа гарм мешавад.

Ҳаво дар  шаҳри Душанбе  тағйирёбандаи бебориш шуда, танҳо дар нимаи дуюми рӯз борони кӯтоҳмуддат меборад.  Шамол аз самти шарқ бо суръати 3-8 метр дар як сония  мевазад. Ҳаво  шабона 10-12  ва рӯзона 24-26 дараҷа гарм мешавад.