ПАРЛАМЕНТҲОИ ҶАВОНОН ДАР КИШВАРҲОИ ИДМ. Лоиҳаи бо ташаббуси байналмилалии қонунгузорӣ пешниҳоднамудаи вакили Маҷлиси намояндагон аз ҷониби Ассамблеяи байнипарлумонии ИДМ пазируфта шуд

Апрель 23, 2019 19:24

ДУШАНБЕ, 23.04.2019. /АМИТ “Ховар”/. Ташаббуси байналмилаии қонунгузории вакили Маҷлиси намояндагони Маҷлиси Олии Ҷумҳурии Тоҷикистон “Тавсияҳо оид ба ташкил ва рушди парламенти ҷавонон дар давлатҳои аъзои ИДМ” дар ҷаласаи 49-уми васеи Ассамблеяи байнипарлумонии давлатҳои иштирокчии ИДМ, ки  19 апрели соли 2019 дар шаҳри Санкт-Петербурги Федератсияи Россия доир гардид, пазируфта шуд.   

Вакили Маҷлиси намояндагони Маҷлиси Олии Ҷумҳурии Тоҷикистон Қиёмиддин Миралиён ҳанӯз соли 2016  лоиҳаи Тавсияҳоро оид ба ташкил ва рушди парламенти ҷавонон дар давлатҳои аъзои ИДМ пешниҳод карда буд, ки он бо қарори Ассамблеяи ҷавонони байнипарламентии давлатҳои иштирокчии ИДМ аз 25 октябри соли .2016   ҷонибдорӣ шуда, ба баррасии Ассамблеяи байнипарлумонии давлатҳои иштирокчии ИДМ пешниҳод гардид.

Дар робита ба ин, ҷиҳати такмили лоиҳаи мазкур аз ҳисоби намояндагони вакилони ҷавони парламентҳои давлатҳои ИДМ бо роҳбарии Қ.   Миралиён гурӯҳи корӣ ташкил шуда, давоми 2,5 соли охир фаъолият намуд. Дар дар ин давра  таҷрибаи ҳамдигар мавриди омӯзиш қарор гирифта, самтҳои фаъолият мушаххас гардонида шуданд. Лоиҳаи мазкур дар чанде аз конференсияҳо ва форумҳои байналмилалӣ муаррифӣ гардида, пешниҳодҳои ироашуда  зимни  такмили лоиҳа  ба инобат гирифта шуданд.

Ҳамин тариқ, бо гузаштани тамоми расмиёти омодакунӣ ва мувофиқасозӣ бо парламентҳои давлатҳои ИДМ лоиҳаи Тавсияҳо оид ба ташкил ва рушди парламенти ҷавонон дар давлатҳои аъзои ИДМ бо пешбарии Комиссияи Ассамблеяи байнипарлумонии давлатҳои иштирокчии ИДМ оид ба ҳуқуқи инсон ва Ассамблеяи ҷавонони байнипарлумонии давлатҳои иштирокчии ИДМ бо қарори ҷаласаи васеи Ассамблеяи байнипарлумонии давлатҳои иштирокчии ИДМ қабул гардида, барои истифода ба давлатҳои аъзои ИДМ ирсол гардид.

Лоиҳаи мазкур бо назардошти таҷрибаҳои амалии кишварҳои пешрафта ва рукнҳои илмии сиёсати давлатии ҷавонон бо мақсади фароҳам овардани заминаҳои ҳуқуқию ташкилӣ ҷиҳати таъсис ва рушди парламентҳои ҷавонон дар кишварҳои ИДМ таҳия гардидааст. Лоиҳа аз пешгуфтор, мафҳумҳои асосӣ, муқаррароти умумӣ, вазифаҳои асосии парламенти ҷавонон, тартиби ташкили (таъсиси) парламенти ҷавонон, принсипҳои асосии парламенти ҷавонон, асосҳои ҳуқуқии ташкили фаъолияти парламенти ҷавонон, ташаккулдиҳии парламенти ҷавонон, ваколатҳои парламенти ҷавонон, дастгирии давлатии парламенти ҷавонон ва муқаррароти хотимавӣ иборат мебошад.

Ин ташаббус механизмеро ташкил медиҳад, ки ба фаъол гардонидани ҷавонон дар шароити рушди ҷомеаи муосир, иштирок дар ҳаёти сиёсӣ, инкишофи институти демкоратия ва василаҳои идоракунии иҷтимоӣ, таҳкими рукнҳои парламентаризм, омодасозии сарвар-ҷавонон ва тарбияи онҳо дар рӯҳияи ватандӯстӣ, ҳифзи амну субот ва арзишҳои миллӣ, ҳамчунин муқовимат ба таҳдидҳои бегона / берунӣ мусоидат менамояд.

Апрель 23, 2019 19:24

Хабарҳои дигари ин бахш

Дилрабо Мансурӣ дар Анҷумани сеюми занони Авруосиё доир ба нақши занон дар рушди дипломатияи сулҳ ва боварӣ сухан гуфт
Чин ба Тоҷикистон дар ҳаҷми 800 миллион юани чинӣ кумаки бебозгашт пешниҳод намудааст
Миёни Маҷлиси намояндагони Маҷлиси Олии Ҷумҳурии Тоҷикистон ва Маҷлиси Бузурги миллии Туркия Протокол оид ба ҳамкории байнипарламентӣ ба имзо расид
Раиси Маҷлиси намояндагони Маҷлиси Олии Тоҷикистон Маҳмадтоир Зокирзода бо Раиси Маҷлиси Бузурги Миллии Туркия Мустафо Шентоп мулоқот намуд
Раиси Маҷлиси намояндагон Маҳмадтоир Зокирзода бо Президенти Туркия Реҷеп Тайип Эрдуғон мулоқот намуд
Маҳмадтоир Зокирзода бо Вазири корҳои хориҷии Ҷумҳурии Туркия Мавлуд Човушоғлу мулоқот намуд
Маҳмадтоир Зокирзода бо роҳбари гурӯҳи дӯстии байнипарлумонии Туркия-Тоҷикистон Аҳмед Узер мулоқот намуд
Ҳайати парлумонии Маҷлиси намояндагон таҳти раёсати Маҳмадтоир Зокирзода ба Ҷумҳурии Туркия сафар намуд
Ҷавобгарӣ барои қонунвайронкунӣ аз тарафи пиёдагардон пурзӯр мегардад
Дилрабо Мансурӣ: Баробарии марду зан ҳуқуқи асосии инсон ва омили муҳими рушди устувор мебошад
Дар ҷаласаи навбатии иҷлосияи сеюми Маҷлиси намояндагон қарорҳои дахлдор қабул карда шуданд
Лоиҳаи Қонун «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маориф» баррасӣ гардид