«Тоҷиксуғурта» дар шаҳри Турсунзода ба 16 нафар шахсони зарардида 21 ҳазор сомонӣ ҷуброни суғуртавӣ додааст

ТУРСУНЗОДА, 19.04.2019 /АМИТ «Ховар»/. Филиали КВД «Тоҷиксуғурта» дар шаҳри Турсунзода соли 2019  ба 16 нафар шахсони ҳуқуқию воқеӣ, ки молу амволашон дар натиҷаҳои ҳолатҳои фавқулода зарар дидааст ва ба шаҳрвандоне, ки ба саломатиашон осеб расидааст, ба маблағи 21 ҳазор сомонӣ ҷуброни суғуртавӣ додааст. Дар ин бора  директори КВД «Тоҷиксуғурта» дар шаҳри Турсунзода Музаффар Мирзоев ба хабарнигори АМИТ  «Ховар»  иттилоъ дод.

Дар ин давра  корхонаи мазкур бо 3279 нафар шахсони воқеӣ ва ҳуқуқӣ шартномаи суғуртавӣ бастааст, ки 2214 адади он шартномаи намудҳои ихтиёрии суғурта мебошад.

Тибқи иттилои манбаъ,  солҳои охир дар натиҷаи гузаронидани корҳои таблиғотӣ сафи нафароне, ки ихтиёрӣ шартномаи суғурта мебанданд, зиёд гардида истодааст ва он ба манфиати шаҳрвандон мебошад.