Дар Донишгоҳи давлатии Данғара маҳфили «Соҳибкорони созанда» доир гардид

Май 6, 2019 16:34

ДУШАНБЕ, 06.05.2019/АМИТ «Ховар»/. Иқдоми  амалӣ намудани 300 рӯзи ислоҳот ҷиҳати дастгирии соҳибкорӣ ва беҳтар намудани фазои сармоягузорӣ саривақтӣ буда, бозгӯи таваҷҷуҳи Пешвои миллат муҳтарам Эмомалӣ Раҳмон ба масъалаҳои рушди иқтисодиёти миллӣ аст.

Ин нуктаро ректори Донишгоҳи давлатии Данғара Нуралӣ Шоҳиён  дар маҳфили «Соҳибкорони созанда», ки бо ибтикори Кумитаи давлатии сармоягузорӣ ва идораи амволи авлатии Ҷумҳурии Тоҷикистон дар Донишгоҳи мазкур доир гардид, баён дошт.

Нишасти мазкур дар доираи татбиқи «Нақшаи чорабиниҳо оид ба амалӣ намудани 300 рӯзи ислоҳот ҷиҳати дастгирии соҳибкорӣ ва беҳтар намудани фазои сармоягузорӣ дар Ҷумҳурии Тоҷикистон»  созмон дода шуда, дар он намояндагони Кумитаи давлатии сармоягузорӣ ва идораи амволи давлатӣ, муассисаи давлатии «Ташаккул ва рушди соҳибкории Тоҷикистон», мақомоти иҷроияи маҳаллии ҳокимияти давлатии ноҳияи Данғара ва соҳибкорону сармоягузорон, ҷавонон, роҳбарият ва масъулони соҳаи иқтисодиёти ноҳияи Данғара иштирок намуданд.

Иштирокдорони  нишаст роҷеъ ба ҳадафу вазифаҳои муассисаи давлатии «Ташаккул ва рушди соҳибкории Тоҷикистон», инчунин ислоҳоти гузаронидашуда дар самти рушди соҳаҳои соҳибкориву сармоягузорӣ ибрози назар намуда, аз соҳибкорони маҳаллӣ ва ҷавонон даъват ба амал оварданд, ки барои рушди малакаи соҳибкории худ бо муассиса ҳамкории  зич дошта бошанд.

Дар ин росто, байни муассисаи давлатии «Ташаккул ва рушди соҳибкории Тоҷикистон» ва раёсати Донишгоҳи давлатии Данғара ҷиҳати ба таври мунтазам ба роҳ мондани тренингҳои интенсивӣ барои соҳибкорони ҷавон бо иштироки соҳибкорони ботаҷриба дар заминаи донишгоҳ мувофиқа ҳосил шуд.

Май 6, 2019 16:34

Хабарҳои дигари ин бахш

Ҳаҷми умумии маҳсулоти кишоварзии Вилояти Мухтори Кӯҳистони Бадахшон ба як миллиард сомонӣ расид
Дар ноҳияи Ёвон беш аз 22 ҳазор тонна маҳсулоти ғаладонагӣ ҷамъоварӣ гардидааст
Эмомалӣ Раҳмон: «Ҳаҷми истеҳсоли маҳсулоти саноатӣ дар Вилояти Мухтори Кӯҳистони Бадахшон соли 2024 ба беш аз 307 миллион сомонӣ расид»
Шумораи субъектҳои соҳибкорӣ дар Вилояти Мухтори Кӯҳистони Бадахшон ба 11 ҳазор расид
Эмомалӣ Раҳмон: «Ташрифи сайёҳон ба Вилояти Мухтори Кӯҳистони Бадахшон 13 баробар афзудааст»
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Эмомалӣ Раҳмон: «Ба рушди Вилояти Мухтори Кӯҳистони Бадахшон зиёда аз 25 миллиард сомонӣ равона шудааст»
Дар Хадамоти гумрук моҳияти қонунҳои миллӣ тавзеҳ дода шуд
Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
Байни вилоятҳои Хатлони Тоҷикистон ва Ленингради Русия Созишномаи ҳамкорӣ ба имзо расид
Раҳмон Исломиддин дар ҷаласаи навбатии Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ иштирок намуд
Дар Турсунзода Фестивали саводнокии молиявӣ баргузор шуд