Дар Душанбе ҷаласаи гӯруҳи корӣ оид ба масъалаҳои амният дар формати С5+1 баргузор гардид

Май 16, 2019 17:08

ДУШАНБЕ, 16.05.2019./АМИТ «Ховар»/.   Имрӯз дар  Душанбе Ҷумҳурии Тоҷикистон бо иштироки намояндагони Қазоқистон, Қирғизистон, Туркманистон, Ӯзбекистон ва ИМА   ҷаласаи Гуруҳи корӣ оид ба масъалаҳои амният дар формати С5+1-ро  баргузор намуд, хабар медиҳад мухбири АМИТ «Ховар».

Ҳайати намояндагони ИМА-ро иҷрокунандаи вазифаи муовини Ёвари Котиби давлатии Иёлоти Муттаҳидаи Амрико оид ба Осиёи Марказӣ  Марк Муди  ва  сафири ИМА дар Ҷумҳурии Тоҷикистон Марк Ҷон Поммершайм  ва ҳайяти намояндагони Тоҷикистонро муовини Вазири корҳои хориҷии ҶТ  Музаффар Ҳусейнзода сарварӣ намуданд.

Иштирокчиён зимни сӯҳбат ҳамкориҳои минтақавӣ дар мубориза бар зидди терроризм ва таҳдидҳои бозгашти ҷанговарони хориҷиро баррасӣ намуданд.

«Соҳибистиқлолии ҳақиқӣ, мустақилият ва якпорчагии ҳудудии кишварҳои ин минтақа барои Иёлоти Муттаҳида аҳамияти хоса дорад ва мо дар доираи сиғаи C5 + 1 ва тавассути кӯшишҳои дуҷониба барои таъмини ин ҳадафҳои муҳим талош хоҳем кард», зикр намуд зимни вохӯрӣ сафири ИМА Поммершайм.

Иҷрокунандаи вазифаи муовини Ёвари Котиби давлатии ИМА Муди ва ҳайати намояндагон лоиҳаҳои минтақавиро роҷеъ ба муқовимат ба ифротгароии хушунатомез, аз ҷумла семинарҳои гузашта ва оянда оиди истифодаи барномаи ҳамкории полис бо ҷомеа, таҳаммулпазирии динӣ, ҷалби ҷавонон, шабакаҳои иҷтимоӣ баҳри пешгирӣ намудани ҷалби ҷавонон ба ифротгароии хушунатомез  баррасӣ намуданд. Гурӯҳи кории мазкур нақшаҳоро барои вохӯриҳои ояндаи сиғаи C5 + 1 тасдиқ карданд.

C5 + 1 формати мусоиди мулоқот ва платформа барои кӯшишҳои муштарак баҳри ҳалли масъалаҳое мебошад, ки Иёлоти Муттаҳидаи Амрико ва давлатҳои Осиёи Маркази бо онҳо рӯ ба рӯ мегарданд. Дар вохурии аввалини вазирҳо дар формати С5 + 1, ки моҳи ноябри соли 2015 дар шаҳри Самарқанди Ҷумҳурии Ӯзбекистон  баргузор гардид, вазирони шаш давлат ба мувофиқа омаданд, ки таваҷҷуҳи хосаро ба се бахши асосии дорои аҳамияти умумӣ равона месозанд: амният, иқтисодиёт ва масъалаҳои муҳити зист (экологӣ). Дар вохурии дуюми вазирон дар формати С5+1, ки моҳи августи соли 2016 дар пойтахти ИМА шаҳри Вашингтон баргузор гардид, вазирони шаш давлат ба қарор омаданд, ки панҷ лоиҳаро дар се соҳаи асосӣ роҳандозӣ менамоянд. Лоиҳаҳои мазкур бо дастгирии ассигнатсияи Конгресси ИМА ба маблағи 15 млн. доллари ИМА маблағгузорӣ карда мешаванд. Аз лаҳзаи таъсиси формати C5 + 1 давлатҳои Осиёи Марказӣ дар усулҳои минтақавии баррасии масъалаҳо бештар манфиатдор гардидаанд ва формати мазкурро   катализатор  ё таҳрикдиҳанда амалҳои муштарак меҳисобанд.

Май 16, 2019 17:08

Хабарҳои дигари ин бахш

Сироҷиддин Муҳриддин дар нишасти 4-уми вазирони корҳои хориҷии Муколамаи «Осиёи Марказӣ-Ҳиндустон» иштирок намуд
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
Сироҷиддин Муҳриддин ширкатҳои иштирокдори Шурои соҳибкорони Осиёи Марказӣ ва Ҳиндустонро ба Душанбе даъват намуд
Сироҷиддин Муҳриддин ва Субраҳманям Ҷайшанкар масоили муносибатҳои Тоҷикистону Ҳиндустонро баррасӣ намуданд
Сарвазири Тоҷикистон пешниҳод намуд, ки «Рӯзномаи рақамии ИДМ то соли 2030» таҳия карда шавад
Сарвазири Тоҷикистон: «Кишварҳои ИДМ рушди ҳамкории мутақобилан судманд ва ҳамаҷонибаро тасдиқ намуданд»
Қоҳир Расулзода: «Ҳамкории тиҷоратию иқтисодӣ бо кишварҳои ИДМ яке аз самтҳои афзалиятноки сиёсати хориҷии Тоҷикистон боқӣ мемонад»
Тоҷикистон ба рушди устувори муносибатҳои дуҷониба ва бисёрҷониба бо давлатҳои иштирокдори ИДМ аҳамияти махсус медиҳад
Дар Душанбе ҷаласаи Шурои сарони ҳукуматҳои Иттиҳоди Давлатҳои Мустақил оғоз гардид
Муовини Раиси Девони вазирони Туркманистон ба Тоҷикистон ташриф овард
Муовини Сарвазири Арманистон ба Тоҷикистон ташриф овард
Қоҳир Расулзода бо Раиси Девони вазирон — Роҳбари Дастгоҳи Президенти Ҷумҳурии Қирғизистон Адилбек Касималиев мулоқот анҷом дод