Дар мусобиқаи «Tajikistan Open» теннисбозони Ӯзбекистон ва Полша ғолиб омаданд
ДУШАНБЕ, 13.05.2019. /АМИТ «Ховар»/. Дар шаҳри Душанбе Мусобиқаи байналмилалӣ оид ба теннис «Tajikistan Open» миёни наврасони то 18-сола баргузор гардид. Он бо пирӯзии варзишгарони Полша ва Ӯзбекистон ба анҷом расид. Дар ин бора корманди Федератсияи тенниси Тоҷикистон Далер Қурбонов ба мухбири АМИТ «Ховар» хабар дод.
Тибқи иттилои манбаъ, дар бозии ниҳоии мусобиқаи теннис миёни писарон Ян Вандемайер аз Полша бар Азиз Додобоев аз Ӯзбекистон бо ҳисоби 2:1 ва миёни духтарон Ситора Нурмуродова аз Ӯзбекистон бар ҳамватанаш Севил Юлдошева бо ҳисоби 2:0 ғалаба карданд.
Ёдовар мешавем, ки дар мусобиқаи мазкур 97 варзишгари ҷавон аз 15 давлат иштирок карданд.
Акнун аз 11 то 17 май мусобиқот барои дарёфти Ҷоми Федератсия – мусобиқаи бонуфузи байналмилалӣ оид ба теннис доир мегардад. Дар ин мусобиқа низ варзишгарони то 18-солаи бомаҳорат аз ҳудуди 20 давлат ширкат мекунанд.
Ҳар ду чорабинӣ ба мусобиқоти дараҷаи 5-и Федератсияи байналмилалии теннис (ITF) дохил мешаванд. Варзишгарон барои иштирок соҳиби холҳои рейтингӣ мегарданд.
ҶОМИ ОСИЁ-2027. Дастаи мунтахаби Тоҷикистон тими Малдивро мағлуб намуд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Малдив бозӣ мекунад
ҶОМИ ОСИЁ-2027. Дастаи мунтахаби Тоҷикистон барои баргузории бозӣ бо Малдив ба шаҳри Мале рафт
Мусобиқаи байналмилалӣ оид ба камонварӣ ҷамъбаст гардид
Тоҷикистон дар Бозиҳои сеюми кишварҳои аъзои ИДМ соҳиби мақоми ҳафтум гардид
ҶОМИ ОСИЁ-2027. Имрӯз дастаи мунтахаби Тоҷикистон дар даври интихобӣ бо тими Малдив бозӣ мекунад
БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
ҶОМИ ОСИЁ-2027. Бозии Тоҷикистон ва Малдивро гурӯҳи доварон аз Қирғизистон ҳакамӣ мекунад
ФУТБОЛ. Дастаи мунтахаби Тоҷикистон дар Варзишгоҳи марказии Ҳисор бо дастаи Малдив бозӣ мекунад
Муҳиддин Асадуллоев дар Чемпионати ҷаҳон оид ба ҷудо байни ҷавонон дар Перу сазовори медали тилло гардид
Варзишгарони тоҷик дар Бозиҳои сеюми ИДМ дар Озарбойҷон соҳиби 18 медал гардиданд
Дастаи «Соро компания» барандаи чоркаратаи Суперҷоми Тоҷикистон оид ба футзал шуд
