Эмомалӣ Раҳмон: «Тоҷикистон хостори тақвияти ҳамкорӣ бо ҷомеаи байналмилалӣ дар самти мубориза бо терроризм ва маблағгузории он мебошад»
ДУШАНБЕ,17.05.2019 /АМИТ «ХОВАР»/. Ҷумҳурии Тоҷикистон дар самти мубориза бо терроризм ва маблағгузории он омодаи тақвияти ҳамкорӣ бо ҷомеаи байналмилалӣ мебошад. Ин нуктаро Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ дар ҷаласаи ифтитоҳии Конфронси сатҳи баланд “Ҳамкории байналмилалӣ ва минтақавӣ дар мубориза бо терроризм ва манбаъҳои маблағгузории он, аз ҷумла гардиши ғайриқонунии маводи мухаддир ва ҷинояткории муташаккил”, ки имрӯз дар Душанбе- пойтахти Точикистон оғоз ёфт, зикр намуданд.
Бо дахли мавқеъ ва нақши Тоҷикистон дар мубориза бар зидди терроризм ва маблағгузории он, хусусан гардиши маводи мухаддир Пешвои миллат афзуданд, ки дар натиҷаи талошу иқдомоти Ҳукумати Тоҷикистон ва дастгирии Созмони Милали Муттаҳид, соли 1999 Агентии назорати маводи нашъаовари назди Президенти Ҷумҳурии Тоҷикистон ҳамчун мақоми ваколатдори соҳа таъсис дода шуд. Сохтори мазкур имрӯзҳо дар доираи барномаву лоиҳаҳои марбута бо созмонҳои байналмилаливу минтақавӣ ва кишварҳои шарик ҳамкории судманд ба роҳ монда, бомуваффақият фаъолият менамояд.
Мусаллам аст, ки Тоҷикистон соли 2013 Стратегияи миллии мубориза бо гардиши ғайриқонунии маводи мухаддирро барои давраи то соли 2020 таҳия ва қабул намуд, ки ин санад бо барномаи амал ва самтҳои ҳамкории худ дар заминаи муносибатҳои дуҷониба, минтақавӣ ва бисёрҷониба хусусияти пешгирикунанда дорад. Стратегияи мазкур бо дарназардошти ҳамбастагии зич миёни гардиши ғайриқонунии маводи мухаддир ва терроризм ба бартараф намудани омилҳои ин зуҳурот дар ҷомеа равона шудааст.
Танҳо соли гузашта 67 амалиёти фаврӣ алайҳи қочоқбарон гузаронида шуда, зарфи 20 соли охир мақомоти ҳифзи ҳуқуқи Тоҷикистон беш аз 125 тонна маводи нашъаоварро аз муомилоти ғайриқонунӣ гирифтаанд.
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
