«ОЯНДАСОЗОНИ ВАТАН». Чунин ном дошт барномаи фарҳангие, ки бахшида ба Рӯзи байналмилалии ҳифзи кӯдакон дар Душанбе доир шуд
ДУШАНБЕ, 29.05.2019 /АМИТ «Ховар»/. Бо ибтикори шуъбаи кӯдакон ва наврасони Китобхонаи миллии Тоҷикистон дар якҷоягӣ бо Муассисаи таҳсилоти хусусии «Литсейи Раҳнамо», ҳунармандони ансамбли рақсии «Лаъл» ва хонандагони мактаби мусиқии ба номи Миратулло Атоев барномаи фарҳангӣ-фароғатӣ зери унвони «Ояндасозони Ватан» доир гардид. Барномаи фарҳангӣ ба Рӯзи байналмилалии ҳифзи кӯдакон, ки ҳамасола 1 июн дар тамоми кишварҳои ҷаҳон таҷлил мегардад, бахшида шуд.
Директори Китобхонаи миллӣ, профессор Абдусалом Мирализода кӯдакону наврасонро бо рӯзи идашон табрик гуфта, аз таърихи пайдоиши ин рӯз ба ҳозирин маълумоти муфассал дод. Номбурда аз дастгириҳои пайвастаи роҳбарияти давлату Ҳукмати Тоҷикистон нисбат ба ин қишри ҷомеа ёдрас шуда, зикр кард, ки дар ҷумҳурӣ дар самти ҳифзи ҳуқуқи кӯдак тамоми заминаҳои ҳуқуқӣ фароҳам оварда шудааст.
«Ҳукумати мамлакат, бахусус Пешвои миллат муҳтарам Эмомалӣ Раҳмон барои таҳсилу истироҳат ва фароғати бачаҳо таваҷҷуҳи махсус зоҳир менамоянд ва дар ин самт барномаҳои зиёд амалӣ мешаванд. Аз ҷумла, дар Китобхонаи миллии Тоҷикистон шуъбаи кӯдакон ва наврасон фаъолият мекунад, ки ба хонандагони хурдсол хизмат мерасонад. Дар шуъбаи мазкур тамоми шароит ҷиҳати мутолиа ва ба бозиҳои шавқовари зеҳни машғулшудани кӯдакон тавассути барномаҳои махсуси компютерӣ фароҳам гардида, гузашта аз ин дар ин ҷо пайваста озмуну чорабиниҳои фарҳангӣ баргузор мешаванд», — афзуд А. Мирализода.
Дар ҷамъомад адибоне, ки барои кӯдакону наврасон эҷод мекунанд, аз ашъори худ барои ҳозирин шеърҳои тозаэҷодро қироат намуданд.
Баъдан чорабинии фарҳангӣ-фароғатиро хонандагони «Литсейи Раҳнамо», гурӯҳи ҳунармандони ансанбли рақсии «Лаъл» ва хонандагони мактаби мусиқӣ ба номи Миратулло Атоев бо суруду тарона ва ҳунару маҳорати зебои рақсии худ рангину ҷолибтар намуданд.
Дар фарҷоми барнома ширкаткунандагони фаъоли ин чорабинӣ бо туҳфаҳои хотиравии Китобхонаи миллӣ қадрдонӣ шуданд.
Абдураҳими АБДУҚАҲҲОР,
АМИТ «Ховар»
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
«ШОҲНОМАХОНӢ». Дар Хатлон барои ғолибони даври сеюми озмуни ҷумҳуриявӣ беш аз 200 ҳазор сомонӣ ҷудо гардид
«САЙРИ ГУЛИ ЛОЛА». Моҳи апрел дар Тоҷикистон Фестивали гулҳо баргузор мегардад
Таҳкими худшиносии ҷавонон тавассути тарғиби фарҳангу тамаддун ва таърихи пурғановати миллӣ амали омӯзанда аст
Нашриёти «Орван» китоби «Ҳазор марворид»-ро ба нашр расонид
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон маротибаи аввал озмуни ҷумҳуриявӣ баргузор мегардад
«ТОҶИКИСТОН-ВАТАНИ АЗИЗИ МАН». Барои баргузории озмуни ҷумҳуриявӣ беш аз ҳашт миллион сомонӣ ҷудо мегардад
ХУТАЛИ ҚАДИМ — ПОЙГОҲИ ЗУҲУРИ ЗАБОНИ ТОҶИКӢ. Соли 2026 дар Тоҷикистон симпозиуми байналмилалӣ доир мешавад
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг баргузор мегардад
Дар Китобхонаи миллии Тоҷикистон беш аз 41 ҳазор нусха китобҳои камистифодашаванда ва нодир нигоҳдорӣ мешаванд
