Пешвои миллат Эмомалӣ Раҳмон аз хоҷагии деҳқонии ба номи «Ҳоҷӣ Лайло» дар деҳаи Пушинги ноҳияи Данғара боздид намуданд

Май 23, 2019 12:20

ДУШАНБЕ, 23.05.2019 /АМИТ «Ховар»/. Дар идомаи сафари корӣ дар деҳаи Пушинги ноҳияи Данғара Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз Хоҷагии деҳқонии «Ҳоҷӣ Лайло» боздид ба амал оварданд.

Дар ин ҷо Сарвари давлат бо фаъолияти хоҷагидорон, дастовардҳои онҳо шинос шуда, бо коргарон доир ба масъалаҳои истифодаи самараноки замин, истеҳсоли маҳсулоти хушсифати кишоварзӣ, рушди боғот ва таъмини амнияти озуқаворӣ, суҳбати самимӣ доир карданд.

Хоҷагии деҳқонии ба номи “Ҳоҷӣ Лайло” яке аз хоҷагиҳои пешқадами деҳоти Пушинг мебошад, ки майдони зиёди заминҳои боирро обёрӣ карда, аз он барои беҳдошти шароити иқтисодию иҷтимоии аъзои хоҷагӣ ва фаровонии бозори истеъмолии деҳа самаранок истифода мебаранд.

Масоҳати умумии заминҳои хоҷагӣ 30 гектарро ташкил медиҳад. Аз ин миқдор замини ҳосилдеҳ дар майдони 0,40 га 12 гармхона бунёд шудааст. Дар ин ҷо бо усули хос лиму, помидор, бодиринг, карам, гулкарам ва дигар сабзавот парвариш меёбад. Чун ҳамаи қоидаҳои агротехникӣ риоя мегарданд, ҳосили ниҳолҳои лиму ва дигар маҳсулоти кишоварзӣ хуб аст.

Дар хоҷагӣ ба таври мавсимию доимӣ ҳамагӣ 30 нафар бо кор таъмин шудаанд.

Дар масоҳати 2 гектар хоҷагидорон токзор бунёд карда, ангурҳои навъи сиёҳ, сафед ва шоҳона парвариш мекунанд.

Дар беш аз 25 гектари майдони боқимондаи заминҳои хоҷагӣ дарахтони гуногуни мевадиҳандаи олуи сиёҳ, бодом, гелос, зардолу, себ, хурмо, шафтолу ва хуч шинонида шудааст, ки аллакай ба ҳосил даромадааст.

Барои беталаф нигоҳ доштани ҳосили боғот коргарони хоҷагӣ дар назди заминҳои кишт бо ғунҷоиши 400 тонна маҳсулот сардхона сохта шудааст.

Барои обёрии заминҳо ҳавзи об бо ғунҷоиши 400 куб бунёд гардида, дар он парвариши моҳиҳо ба роҳ монда шудааст.

Аъзоёни Хоҷагии деҳқонии “Ҳоҷи Лайло” аз ҳисоби даромади софи хоҷагӣ ба истиқболи ҷашни 30-солагии Истиқлолият дар деҳаи Оличадараи деҳоти Себистон як бунгоҳи замонавӣ бо таҷҳизот, доруворӣ, мизу курсӣ сохта ба истифода доданд.

Май 23, 2019 12:20

Хабарҳои дигари ин бахш

35-СОЛАГИ ИСТИҚЛОЛИ ДАВЛАТӢ. Дар Ховалинг таъмиру навсозии беш аз 200 иншоот ба нақша гирифта шудааст
Сокинони маҳаллаи Наврӯзи шаҳри Бӯстон бо оби нӯшокӣ таъмин гардиданд
Дар ҳудуди шаҳри Гулистон сохтмони меҳмонхона ва осоишгоҳу марказҳои солимгардонӣ идома доранд
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Дар ВМКБ беш аз 1000 иншоот ба истиқболи 35-солагии Истиқлоли давлатӣ мавриди истифода қарор гирифт
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон дар мулоқот бо роҳбарон ва фаъолони Вилояти Мухтори Кӯҳистони Бадахшон
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон ба ифтихори 28-солагии Рӯзи ваҳдати миллӣ
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Эмомалӣ Раҳмон: «Қаҳрамонони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»