Рӯзҳои фарҳанги Австрия дар Тоҷикистон ифтитоҳ ёфтанд
ДУШАНБЕ, 23.05.2019. /АМИТ «Ховар»/. Дар шаҳри Душанбе Рӯзҳои фарҳанги Ҷумҳурии Австрия ифтитоҳ ёфт. Дар доираи ин рӯзҳо айни замон дар толори марказии Донишгоҳи давлатии омӯзгории ба номи С. Айнӣ намоиши мусаввараҳои рассоми австриягӣ Густав Климт ҷараён дорад.
Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд, Сафири Ҷумҳурии Австрия дар Ҷумҳурии Тоҷикистон Герҳард Сайллер чорабиниро ҳусни оғоз бахшида, меҳмонон ва иштирокчиёнро хайрамақдам гуфт ва оид ба риштаҳои ҳамкории ду кишвар ҳарф зад.
Муовини вазири фарҳанги Ҷумҳурии Тоҷикистон Зевар Давлатзода низ ҳозиринро бо ифтитоҳи Рӯзҳо шодбош гуфта, ба Сафорати Австрия дар Тоҷикистон барои ташкили чунин чорабинии фарҳангӣ изҳори сипос намуд.
Зевар Давлатзода иброз дошт, ки ин иқдоми Сафорат барои муаррифии фарҳанги ғанӣ ва таърихи куҳани Австрия муҳим буда, дар рушди робитаҳои байнифарҳангии кишварҳо саҳми босазо мегузорад.
Ба зикри Зевар Давлатзода муносибатҳои дӯстонаи Тоҷикистон ва Австрия аз замони барқарор шудани робитаҳои дипломатӣ торафт густариш ёфта, мазмуну мундариҷаи тозаро касб карда истодаанд.
«Мо муътақид бар онем, ки робитаҳои судманду фарогир барои рушду тавсеа майдони васеъ доранд ва мо ба инкишофи ҳамкориҳои густурда бар асоси суди мутақобил дар самтҳои мавриди таваҷҷуҳи тарафайн, аз ҷумла сиёсӣ, иқтисодӣ, илмию техникӣ ва фарҳангӣ манфиатдорем» – гуфт муовини вазири фарҳанги Тоҷикистон.
Инчунин таъкид гардид, ки таърихи робитаҳои фарҳангии ду кишвар ҳанӯз аз соли 1972 бо барқарор шудани робитаҳои бародаршаҳрӣ миёни Душанбе ва Клагенфурт, ки онро ҳамчун пули дӯстӣ метавон унвон кард, оғоз меёбад. Соли 1989 аз ҷониби Ҳукумати шаҳри Душанбе ҳамчун рамзи дӯстӣ дар шаҳри Клагенфурт чойхонаи миллӣ сохта, тақдим карда шуд.
Боиси зикр аст, ки 22 май дар хонаи синамои «Зебуниссо» филми бадеии австриягии «Муҳоҷират» манзури дӯстдорони синамо гардид.
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
Дар Душанбе оид ба саҳми Давлатманд Холов дар рушди санъати мусиқии тоҷик маҳфили адабӣ – фарҳангӣ доир шуд
Ба сокинони ноҳияи Данғара туҳфаи Пешвои миллат – «Шоҳнома»-и Абулқосим Фирдавсӣ такдим мегардад
«ЛИБОСИ МИЛЛӢ – НИШОНИ ТАМАДДУН ВА ФАРҲАНГИ МИЛЛӢ». Дар шаҳри Норак фестивали ҷумҳуриявӣ доир гардид
Дар Тоҷикистон зиёда аз 100 ёдгориҳои таърихию меъмории нав бозёфт гардиданд
Намояндагони Осорхонаи миллии Тоҷикистон Осорхонаи миллии адабиёти Озарбойҷонро тамошо карданд
Дар Кӯлоб таҳти унвони «Либоси миллӣ — оинаи тамаддун ва ҳуввияти миллӣ» фестивал доир шуд
Дар ҳудуди ноҳияи Шамсиддини Шоҳин шаҳраки қадимаи асри миёнагии Хутали қадим — шаҳри Андичароғ бозёфт гардид
«АНДАЛЕБ-2025». Ҳаваскорони ноҳияи Шоҳмансури шаҳри Душанбе соҳиби Шоҳҷоизаи Фестивал-озмун гардиданд
Китоби дарсии «Асосҳои давлат ва ҳуқуқи Ҷумҳурии Тоҷикистон» барои синфи 8 дар таҳрири нав ба нашр расид
Оид ба ҳамкории Тоҷикистон ва Русия дар соҳаи илм ва маориф конференсияи байналмилалии илмӣ баргузор шуд
Дар ноҳияи Темурмалик тақсими «Шоҳнома»-и Абулқосим Фирдавсӣ оғоз гардид
