Салоҳуддин Раббонӣ: «Масъалаи мубориза бо терроризм ва гардиши ғайриқонунии маводи мухаддир сабаби ташвиш ва нигаронии ҳамаи кишварҳои минтақа гардидааст»
ДУШАНБЕ, 16.05.2019 /АМИТ «Ховар»/. Масъалаи терроризму экстремизм, мушкилоти маҳдуд ба як кишвар набуда, хоси минтақа гардидааст. Ин мушкилот ба ҳамкории муштарак ниёз дошта, бо ин роҳ метавон онро ҳал кард. Ин нуктаро Вазири корҳои хориҷии Ҷумҳурии Исломии Афғонистон Салоҳуддин Раббонӣ пас аз мулоқоти худ бо Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки имрӯз дар шаҳри Душанбе баргузор гардид, дар ҳузури хабарнигорон баён дошт.
Салоҳуддин Раббонӣ зикр намуд, ки дар мулоқот бо Президенти Тоҷикистон Эмомалӣ Раҳмон оид ба мавзӯъҳои вобаста ба таъмини амният, интиқоли неруи барқ ба Афғонистон ва ҷудо намудани бурсияҳо ба донишҷӯёни афғон ибрози назар намудаанд.
Зикр шуд, ки Тоҷикистону Афғонистон робитаи таърихию фарҳангӣ ва забони муштарак дошта, ғайр аз ин, ҳарду мамлакатро сарҳади тӯлонӣ бо ҳам мепайвандад.
«Ба Ҷумҳурии Тоҷикистон, махсусан Эмомалӣ Раҳмон миннатдорӣ баён мекунем, ки ҳамеша дар паҳлуи мардуми Афғонистон буданд ва ба онҳо кумаки худро дареғ надоштанд. Ин Конфронси сатҳи баланд, ки фардо баргузор мегардад, хеле чорабинии муҳим ва саривақтӣ мебошад. Зеро масъалаи мубориза бо терроризм ва гардиши ғайриқонунии маводи мухаддир сабаби ташвиш ва нигаронии ҳамаи кишварҳои минтақа гардидааст», — зикр намуд Вазири корҳои хориҷии Ҷумҳурии Исломии Афғонистон.
Ёдовар мешавем, ки Вазири корҳои хориҷии Ҷумҳурии Исломии Афғонистон Салоҳуддин Раббонӣ пагоҳ дар Конфронси сатҳи баланд таҳти унвони «Ҳамкории байналмилалӣ ва минтақавӣ дар мубориза бо терроризм ва манбаъҳои маблағгузории он, аз ҷумла гардиши ғайриқонунии маводи мухаддир ва ҷиноятҳои муташаккил» ширкат мекунад.
ТОҶИКИСТОН ВА РУСИЯ. Аз соли 1992 байни ду давлат зиёда аз 320 созишномаи байнидавлатӣ, байниҳукуматӣ ва байниидоравӣ ба имзо расидаанд
Дар пойтахти Тоҷикистон як қатор чорабиниҳои муҳими сатҳи баланди байналмилалӣ баргузор мегарданд
Сафири Тоҷикистон бо муовини якуми вазири нафти Давлати Кувайт мулоқот намуд
Сафири Тоҷикистон бо Вазири сармоягузории Амороти Муттаҳидаи Араб мулоқот анҷом дод
Намояндаи Тоҷикистон дар ҷаласаи Шурои генералии Созмони умумиҷаҳонии савдо иштирок намуд
Рӯзи забони давлатии Тоҷикистон дар Туркманистон таҷлил гардид
Қоҳир Расулзода бо Сарвазири Ҷумҳурии Бошқирдистони Федератсияи Русия Андрей Назаров мулоқот намуд
Cафири Тоҷикистон бо Директори Дафтари робитавии Созмони озуқаворӣ ва кишоварзӣ мулоқот намуд
Намунаи либосҳои тоҷикӣ дар чорабинии фарҳангии кишварҳои Осиё дар Корея намоиш дод шуд
Дар Женева имкониятҳо ва мавқеи Тоҷикистон оид ба устувории энергетикӣ муаррифӣ гардид
Байни вазоратҳои корҳои хориҷии Тоҷикистону Русия машваратҳо баргузор гардид
Масъалаи иштироки сармоягузорони Кувайт дар чорабиниҳои байналмилалии Тоҷикистон баррасӣ гардид
