Вазири кишоварзии Россия Дмитрий Патрушев: «Россия ният дорад дар Тоҷикистон маркази тақсимоти яклухт бунёд кунад»
ДУШАНБЕ, 16.05.2019 /АМИТ «Ховар»/. Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Вазири кишоварзии Федератсияи Россия Дмитрий Патрушев мулоқот доир намуд.
Тавре мухбири АМИТ «Ховар» хабар медиҳад, пас аз анҷоми мулоқот Вазири кишоварзии Федератсияи Россия Дмитрий Патрушев иброз намуд, ки «дар ҷараёни мулоқот доираи васеи масъалаҳои ҳамкории ду кишвар дар соҳаи кишоварзӣ муҳокима шуданд. Ҳамчунин масъалаи имконияти сохтмони маркази тақсимоти яклухт аз ҳисоби сармоягузориҳои Россия дар қаламрави Тоҷикистон матраҳ гардид. Масъалаҳои чорводорӣ ва тухмипарварӣ, аз ҷумла картошка низ баррасӣ шуданд».
Дмитрий Патрушев таъкид дошт, ки масъалаҳои баррасишуда дар чаҳорчӯби ҳамкории зичи Вазорати кишоварзии Тоҷикистон ва Россия рӯзҳои наздик амалӣ хоҳанд шуд.
Тавре АМИТ «Ховар» қаблан хабар дода буд, имрӯз Вазири кишоварзии Федератсияи Россия Дмитрий Патрушев бо сафари корӣ ба вилояти Хатлон сафар намуда, дидору мулоқоти ӯ бо роҳбарияти вилоят дар назар аст.
Қарор аст, ки ҷонибҳо доир ба густариши ҳамкорӣ дар соҳаи кишоварзӣ, афзоиш додани содироти маҳсулоти кишоварзӣ, коркарди маҳсулот ва дигар масъалаҳои меҳварӣ табодули назар намоянд.
Ҳамчунин дар доираи ин сафар вазири кишоварзии Федератсияи Россия аз гармхонаҳои мавсимӣ, боғҳои меваҳои гуногун, майдонҳои кишти сабзавот ва полезӣ, гармхонаҳои лимӯпарварӣ дар ноҳияҳои Кӯшониён, Ҷалолиддини Балхӣ, Дӯстӣ ва Ҷайҳуни вилояти Хатлон боздид хоҳад кард.
Густариши ҳамкории Тоҷикистон бо Бонки исломии рушд баррасӣ шуд
Сафари давлатии Президенти Муғулистон дар Ҷумҳурии Тоҷикистон анҷом ёфт
Қатъномаи таърихии Тоҷикистон оид ба зеҳни сунъӣ дар Маҷмаи Умумии СММ қабул гардид
Сарвазири Тоҷикистон Қоҳир Расулзода дар Конфронси байналмилалии экологӣ иштирок намуд
Байни вазоратҳои корҳои хориҷии Тоҷикистону Муғулистон Ёддошти тафоҳум оид ба ҳамкорӣ ба имзо расид
Президенти Муғулистон Ухнаагийн Хурэлсух дар пояи муҷассамаи Исмоили Сомонӣ гулчанбар гузошт
Президенти Муғулистон Ухнаагийн Хурэлсух бо сафари давлатӣ ба Тоҷикистон ташриф овард
Имрӯз Президенти Муғулистон бо сафари давлатӣ ба Ҷумҳурии Тоҷикистон ташриф меорад
Сафири навтаъйини Чин дар Тоҷикистон нусхаи эътимоднома супорид
Густариши ҳамкорӣ байни Тоҷикистон ва Баҳрайн дар бахши сайёҳӣ баррасӣ шуд
Натиҷаҳои Конфронси байналмилалии сатҳи баланд оид ба ҳифзи пиряхҳо дар қароргоҳи Созмони Милали Муттаҳид муаррифӣ гардид
Таҳти раёсати ҷониби Тоҷикистон ҷаласаи Шурои иқтисодии Иттиҳоди Давлатҳои Мустақил доир шуд
