ИҶЛОСИ САҲА ДАР ВЕНА ТАҲТИ РАЁСАТИ ТОҶИКИСТОН: дар он муқаррарот ва уҳдадориҳои робитаҳои байнидавлатӣ дар соҳаи низомӣ-сиёсӣ баррасӣ шуданд
ДУШАНБЕ, 13.06.2019 /АМИТ «Ховар»/. 12 июни соли равон дар қасри Хофбурги шаҳри Вена таҳти раёсати Ҷумҳурии Тоҷикистон иҷлоси 8-уми солонаи баррасии раванди татбиқи Кодекси рафтори САҲА оид ба ҷанбаҳои низомӣ—сиёсии амният баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Ҳамоиши мазкур, ки яке аз бандҳои асосии барномаи раёсати Тоҷикистон дар Форуми ҳамкории амниятии САҲА (FSC) ба ҳисоб мерафт, дар идомаи ҳафт иҷлоси қаблии солонаи Форум (иптидоан аз соли 2012) сурат гирифт.
Дар маросими ифтитоҳи иҷлос раиси FSC, Намояндаи доимии Ҷумҳурии Тоҷикистон дар САҲА Идибек Қаландар таъкид кард, ки ҳадафи асосии машваратҳои имсола идомаи баррасии раванди татбиқи муқаррарот ва уҳдадориҳои байнидавлатии кишварҳои САҲА дар соҳаи сиёсӣ-низомӣ мебошад, ки дар Қатъномаи ниҳоии Ҳелсинкӣ (1975), Оинномаи Париж барои Аврупои нав (1990) ва Санади Хелсинкӣ (1992) инъикос ёфтаанд.
Дар ин росто, Раиси FSC тазаккур дод, ки Тоҷикистон ба татбиқи шоистаи Кодекси рафтор аҳамияти хоса зоҳир намуда, дар мубодилаи солонаи иттилооти низомӣ ширкати фаъол дорад.
Тибқи қарори ин ҳамоиш Тоҷикистон, ба ҳайси кишвари раиси FSC, дар давоми як моҳ гузоришеро дар бораи натиҷаҳои иҷлос бо дарҷи пешниҳод ва тавсияҳои ироашуда таҳия хоҳад кард.
Сироҷиддин Муҳриддин дар нишасти 4-уми вазирони корҳои хориҷии Муколамаи «Осиёи Марказӣ-Ҳиндустон» иштирок намуд
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
Сироҷиддин Муҳриддин ширкатҳои иштирокдори Шурои соҳибкорони Осиёи Марказӣ ва Ҳиндустонро ба Душанбе даъват намуд
Сироҷиддин Муҳриддин ва Субраҳманям Ҷайшанкар масоили муносибатҳои Тоҷикистону Ҳиндустонро баррасӣ намуданд
Сарвазири Тоҷикистон пешниҳод намуд, ки «Рӯзномаи рақамии ИДМ то соли 2030» таҳия карда шавад
Сарвазири Тоҷикистон: «Кишварҳои ИДМ рушди ҳамкории мутақобилан судманд ва ҳамаҷонибаро тасдиқ намуданд»
Қоҳир Расулзода: «Ҳамкории тиҷоратию иқтисодӣ бо кишварҳои ИДМ яке аз самтҳои афзалиятноки сиёсати хориҷии Тоҷикистон боқӣ мемонад»
Тоҷикистон ба рушди устувори муносибатҳои дуҷониба ва бисёрҷониба бо давлатҳои иштирокдори ИДМ аҳамияти махсус медиҳад
Муовини Раиси Девони вазирони Туркманистон ба Тоҷикистон ташриф овард
Муовини Сарвазири Арманистон ба Тоҷикистон ташриф овард
Қоҳир Расулзода бо Раиси Девони вазирон — Роҳбари Дастгоҳи Президенти Ҷумҳурии Қирғизистон Адилбек Касималиев мулоқот анҷом дод
