Ҳадафи КИ ҲХДТ дар ноҳияи Исмоли Сомонӣ тарғиби арзишҳои Истиқлолияти давлатӣ ва худшиносии миллист

Июль 26, 2019 11:25

ДУШАНБЕ, 26.07.2019. /АМИТ «Ховар»/. Кумитаи иҷроияи Ҳизби Халқии Демократии Тоҷикистон дар ноҳияи Исмоли Сомонӣ дар шаш моҳи аввали соли равон дар самти тарғиби арзишҳои Истиқлолияти давлатӣ, худшиносии миллӣ,  дастовардҳои сиёсиву иқтисодӣ ва иҷтимоии мамлакат тадбирҳои судманд андешид. Ин нуктаро Раиси Кумитаи иҷроияи ҲХДТ дар ноҳияи Исмоли Сомонӣ Насимҷон Расулзода имрӯз зимни ҷаласаи ҳисоботӣ дар шаҳри Душанбе баён дошт.

Тавре мухбири АМИТ «Ховар» иттилоъ медиҳад, дар ҷаласаи мазкур намояндагони Кумитаи иҷроияи ҲХДТ дар шаҳри Душанбе, Мақомоти иҷроияи ҳокимияти давлатии ноҳияи Исмоили Сомонӣ раисони ташкилоти ибтидои ҳизбӣ, аъзои фаъоли Ҳизб ва Ташкилоти ҷамъиятии ҷавонон «Созандагони Ватан» ширкат варзиданд.

«Мо фаъолияти худро дар асоси дастуру супоришҳои дурандешонаи  Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳизби Халқии Демократии Тоҷикистон муҳтарам Эмомалӣ Раҳмон ба роҳ монда, дар самти тарғибу ташвиқи ҳадафҳои созандаи ҳизб корҳои назаррас ба анҷом расонидем», — афзуд  Насимҷон Расулзода.

Зикр гардид, ки дар ин давра аз ҷониби Кумитаи иҷроия дар маҷмӯъ 465 чорабиниҳои ташвиқотию тарғиботӣ гузаронида шуданд.

«Дар чорабиниҳо асосан оид ба нуктаҳои муҳими Паёми Пешвои миллат ба Маҷлиси Олӣ, дастовардҳои Истиқлолияти давлатӣ ва  арзишҳои неки давлатдорӣ, баланд бардоштани ҳисси ватандӯстиву хештаншиносӣ  сухан карда, оид ба анҷом додани корҳои созандагиву бунёдкорӣ бахшида ба истиқболи сазовори 30-солагии Истииқлолияти давлатии Ҷумҳурии Тоҷикистон тавсияҳои судманд дода шуданд», — гуфта шуд дар ҷаласаи мазкур.

Бояд гуфт, ки 7 феврали соли равон дар Китобхонаи миллӣ маҷлиси Кумитаи Иҷроияи Марказии Ҳизби Халқии Демократии Тоҷикистон баргузор гардид. Дар маҷлис Президенти Ҷумҳурии Тоҷикистон, Раиси ҲХДТ муҳтарам Эмомалӣ Раҳмон сухан гуфта, бо қатъият ва далелҳои мушаххас хотиррасон намуданд, ки бештари дастовардҳои назарраси мамлакат, албатта, бо Ҳизби Халқии Демократии Тоҷикистон иртиботи ногусастанӣ доранд.

«Ҳизб бо ташаббусҳои бузурги созандаи сиёсӣ ва бо эҳсоси баланди масъулият як силсила барномаҳои нав, ғояҳои тоза ва стратегияҳои судманд пешниҳод кард, инчунин дар коркарди самтҳои муҳимтарин ва муносибатҳои ҳасанаи сиёсӣ фаъолона иштирок намуд, муҳимтар аз ҳама, ба пешрафти як қатор ҷанбаҳои калидии кор такони нав бахшид», — афзуданд Сарвари давлат.

Ба таъкиди Раиси Ҳизб маҳтарам Эмомалӣ Раҳмон, боло бурдани обрӯ ва нуфузи Ҳизби Халқии Демократии Тоҷикистон вазифаи ҷонии ҳар як узви ҳизб мебошад.

Дар ин радиф метавон зикр намуд, ки Кумитаи иҷроияти Ҳизби Халқии Демократии Тоҷкистон дар ноҳияи Исмоили Сомонӣ ҷиҳати таблиғи ҳадафҳои созандаи ҳизб ва боло бурдани нуфузи он дар ҷомеа нақши муҳим гузоштааст.

Июль 26, 2019 11:25

Хабарҳои дигари ин бахш

Сарвазири Ҷумҳурии Тоҷикистон Қоҳир Расулзода дар ноҳияи Ҷалолиддини Балхӣ муассисаи таълимӣ ва маркази саломатиро ба истифода дод
Сарвазири Тоҷикистон Қоҳир Расулзода дар ноҳияи Хуросон иншооти таъйиноти гуногунро ифтитоҳ намуд
«СТРАТЕГИЯИ РУШДИ ҲИФЗИ ИҶТИМОИИ АҲОЛИИ ҶУМҲУРИИ ТОҶИКИСТОН БАРОИ ДАВРАИ ТО СОЛИ 2040». Доир ба амалишавии он ҳамоиш доир шуд
Соли 2024 Тоҷикистон мизбони Шурои байнидавлатии обуҳавошиносии Иттиҳоди Давлатҳои Мустақил мегардад
«ЗАБОН ВА ИСТИҚЛОЛ». Пагоҳ дар шаҳри Душанбе бахшида ба Рӯзи забони давлатӣ ҳамоиш доир мегардад
ОМОДАГӢ БА САРМО. Муассисаҳои давлатии нигоҳдории роҳҳои автомобилгарди минтақаи Рашт ба зимистонгузаронӣ тайёр мебошанд
Бахшида ба Рӯзи байналмилалии коҳиши хавфи офатҳои табиӣ дар Хоруғ мусобиқаи қаиқронӣ доир шуд
Дар мавзуи тарбияи ватандӯстӣ ва ҳувияти миллии ҷавонони Тоҷикистон дар шароити ҷаҳонишавӣ ҳамоиш баргузор гардид
ЗАБОНИ ДАВЛАТӢ-САРВАТИ БЕБАҲОИ МИЛЛАТИ ТОҶИК. Дар Суди Олии иқтисодии Тоҷикистон ҳамоиш доир шуд
«ЗАБОНИ МИЛЛАТ-ҲАСТИИ МИЛЛАТ». Ба истиқболи Рӯзи забони давлатӣ дар шаҳри Ҳисор маҳфил-озмун баргузор мегардад
1 ОКТЯБР-РӮЗИ БАЙНАЛМИЛАЛИИ ПИРОНСОЛОН. Ҳар нигоҳ ва ҳар сухану насиҳатҳои онҳо нуре дар торикии шаб ва гармие дар сардиҳои зиндагии насли имрӯза аст
Рамзи Шӯрои ҷамъиятии назди Сафорати Ҷумҳурии Тоҷикистон дар Федератсияи Русия тасдиқ гардид