ҒАЛАБА ОСОН БА ДАСТ НАМЕОЯД. Дар шаш моҳи гузашта варзишгарони Тоҷикистон аз мусобиқаҳои байналмилалӣ 231 медал оварданд

Июль 30, 2019 16:00

ДУШАНБЕ, 30.07.2019. /АМИТ «Ховар»/. Дар заминаи сиёсати иҷтимоии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон намудҳои гуногуни варзиш дар  кишвар рушд намуда, варзишгарони  тоҷик имкон пайдо намуданд, ки дар мусобиқаҳои гуногуни сатҳи байналмилалӣ ва ҷаҳонӣ иштирок ва қуввасанҷӣ намоянд. Дар ин бора  имрӯз зимни нишасти матбуотии Кумитаи кор бо ҷавонон ва варзиши назди Ҳукумати Ҷумҳурии Тоҷикистон  зикр карда шуд.

Гуфта шуд, ки варзишгарони Тоҷикистон дар шаш моҳи аввали соли 2019 дар мусобиқаҳои байналмилалӣ сазовори 231 медал (108 тилло, 16 нуқра, 105 биринҷӣ) гардиданд, ки нисбат ба ҳамин давраи соли гузашта 134 медал зиёд мебошад.    Раиси Кумита Аҳтам Абдуллозода бо хушнудӣ иброз дошт, ки аз ҷумла, шумораи медалҳои намудҳои олимпии варзиш дар шаш моҳ ба 134 адад (51 тилло, 9 нуқра, 74 биринҷӣ)  расид, ки нисбат ба ҳамин давраи соли 2018 67 медал зиёд аст.

Аҳтам Абдуллозода дар мавриди омодагӣ ба Бозиҳои тобистонаи олимпии Токио-2020   иброз дошт, ки миёни Кумитаи кор бо ҷавонон ва варзиш, Кумитаи миллии олимпии Тоҷикистон ва 5 федератсияи варзишӣ нақшаҳои омодагии сеҷониба ба имзо расидааст ва варзишгарон дар асоси онҳо ба мусобиқаҳои байналмилалӣ ва литсензионӣ сафарбар мегарданд.

Дар давраи ҳисоботӣ барои муаррифии Тоҷикистон  284 варзишгар (аз ҷумла, 24 бону) ба 65 мусобиқаи сатҳи байналмилалию ҷаҳонӣ сафарбар гардиданд ва дар натиҷаи кӯшишу талоши ватанпарваронаи онҳо дар арсаҳои варзишии ҷаҳон 108 маротиба   Суруди миллии Ҷумҳурии Тоҷикистон садо дод.

«Ҷиҳати оммавӣ гардонидани варзиш ва ҷалби наврасону ҷавонон ба тарбияи ҷисмонӣ ва варзиш дар шаш моҳи аввали соли равон дар ҷумҳурӣ 6446 чорабинии варзишӣ, аз қабили чемпионатҳои ҷумҳурӣ, мусобиқаҳои ҷумҳуриявӣ, вилоятӣ, минтақавӣ, шаҳрию ноҳиявӣ, дохилимактабӣ, оммавӣ-солимгардонӣ ва машқҳои пагоҳирӯзӣ баргузор гардиданд, ки ба онҳо 1290043 нафар (аз ҷумла 304672 бону) фаро гирифта шуданд», — афзуд А. Абдуллозода.

Дар идома зикр гардид, ки дар давраи ҳисоботӣ 17 нафар бо унвони «Номзад ба Устоди варзиши Ҷумҳурии Тоҷикистон», 63 нафар бо унвони «Устоди варзиши Ҷумҳурии Тоҷикистон», 5 нафар бо унвони «Устоди варзиши дараҷаи байналмилалӣ», 2 нафар бо унвони «Мураббии шоистаи варзиши Ҷумҳурии Тоҷикистон» ва 4 нафар бо унвони «Корманди шоистаи тарбияи ҷисмонӣ ва варзиши Ҷумҳурии Тоҷикистон» сарфароз гардиданд.

Июль 30, 2019 16:00

Хабарҳои дигари ин бахш

Дарвозабон Рустам Ятимов беҳтарин бозингари вохӯрии дастаҳои «Истиқлол» ва «Шарҷа» дониста шуд
ЛИГАИ ЧЕМПИОНҲОИ КФО. «Истиқлол» дар бозии охирин бар дастаи «Шарҷа» ғолиб омад
Sputnik: Путин ба варзишгарони Тоҷикистон баҳои баланд дод
ФУТБОЛ. Замони баргузории бозиҳои даври панҷуми Чемпионати Тоҷикистон дар Лигаи олӣ муайян шуд
Носир Бозор сармураббии дастаи мунтахаби дзюдои бонувони Тоҷикистон интихоб гардид
ТАРТИБИ ИНТИХОБИ МУСОБИҚОТИ «ПАРИЖ-2024» ТАСДИҚ ШУД. 17 варзишгари Тоҷикистон аз кумакҳои молии олимпӣ бархӯрдор мешаванд
«DUSHANBE CUP». Ғолибони Мусобиқаи байналмилалии теннис миёни наврасон муайян гардиданд
Дастаи мунтахаби Тоҷикистон оид ба таэквондо WT ба мусобиқаҳои байналмилалӣ омодагӣ мебинад
ЛИГАИ ЧЕМПИОНҲОИ КФО. Пагоҳ «Истиқлол» бозии охирини худро бо дастаи «Шарҷа» доир мекунад
ФУТБОЛ. «Хатлон» ва «Регар-ТадАЗ» дар чемпионат миёни дастаҳои Лигаи олӣ ғолиб омаданд
ПАРИЖ-2024: марҳилаи интихобии олимпӣ дар намуди ҷудо аз 24 июни соли 2022 шурӯъ мегардад
Дар Душанбе Мусобиқаи байналмилалӣ оид ба теннис ҷараён дорад