БА ТАВАҶҶУҲИ ЖУРНАЛИСТОН! Пагоҳ нишасти матбуотии пеш аз мусобиқот бахшида ба оғози Чемпионати CAFA миёни дастаҳои мунтахаби наврасони Осиёи Марказӣ оид ба футбол баргузор мегардад

ДУШАНБЕ, 24.07.2019./АМИТ «Ховар»/. Пагоҳ, 25 июл дар меҳмонхонаи «Тоҷикистон»-и шаҳри Душанбе бахшида ба оғози Чемпионати Ассотсиатсияи футболи Осиёи Марказӣ (CAFA) байни дастаҳои мунтахаби наврасони то 16-сола нишасти матбуотии пеш аз мусобиқот баргузор мегардад. Нишаст соати 16:00 оғоз меёбад.

Ба саволҳои хабарнигорон сармураббиёни дастаҳои мунтахаби наврасони Тоҷикистон, Эрон, Ӯзбекистон, Қирғизистон, Туркманистон ва Афғонистон посух хоҳанд гуфт.

Пас аз анҷоми нишасти матбуотӣ журналистон метавонанд кортҳои бақайдгириро барои инъикоси Чемпионати CAFA-2019, ки аз 26 июл то 1 август баргузор мешавад, дарёфт кунанд. Бозиҳо дар Варзишгоҳи марказии ҷумҳуриявии Душанбе ва Варзишгоҳи марказии Ҳисор баргузор мешаванд.

Барои маълумот бо телефонҳои зерин метавонед тамос гиред:

Тел: 911100014 ё 918667387 (Фаридун Солиев).