Дар Бадахшон таҳти унвони «Ваҳдат-омили ягонагӣ ва суботи ҷомеа» ҳамоиш баргузор гардид

Июль 20, 2019 09:20

ХОРУҒ, 20.07.2019 /АМИТ «Ховар»/. Бо ибтикори Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон  ва мақомоти иҷроияи ҳокимияти  давлатии Вилояти Мухтори Кӯҳистони Бадахшон дар мавзеи зебоманзари Гармчашмаи  ноҳияи Ишкошим  бо иштироки беш аз 40 нафар сархатибону имомхатибон аз  вилоятҳои Суғд, Хатлон, Бадахшон ва ноҳияҳои тобеи марказ  дар мавзӯи «Ваҳдат- омили  ягонагӣ ва суботи ҷомеа»  ҳамоиш баргузор гардид. 

Раиси Шӯрои уламои Ҷумҳурии Тоҷикистон Саидмукаррам Абдуқодирзода баён дошт, ки  маҳз сиёсати хирадмандонаи Пешвои миллат  аст, ки имрӯз  дар ҷумҳурӣ намояндагони  дину мазҳабҳо дар доираи қонунҳои амалкунанда озодона фаъолият намуда, баҳри таҳкими Ваҳдати миллӣ ва  якпорчагии Тоҷикистон  заминаи комил бунёд мекунанд.

Агар дар даврони Шӯрвӣ аз Ҷумҳурии Тоҷикистон танҳо 29 нафар ба  ҳаҷ  рафта бошанд, дар даврони соҳибистиқлолӣ соле  беш аз шаш ҳазор нафар Маккаи мукаррамаро зиёрат мекунанд. Гузашта аз он, бунёди Масҷиди  калонтарини дунё дар пойтахти мамлакат, Маркази Исмоилия дар шаҳри Душанбе ва Ҷамоатхонаи зебо дар шаҳри Хоруғ далоли онанд, ки дар Тоҷикистон  баробарии комили пайравони адёну мазоҳиби гуногун таъмин аст. Чунин ҳамоишу нишастҳо, гуфтугӯи рӯ ба рӯи ходимони дин,  муколамаи мустақим байни  пайравони адёни мухталиф решаи ҳамдигарфаҳмӣ ва  таҳаммулпазириро дар ҷомеа мустаҳкам мекунад.  Хусусан баргузор кардани чунин мулоқот дар байни рӯҳониёни  мазҳаби ҳанафӣ ва шиаи исмоилӣ ба манфиати пойдории сулҳу ваҳдати миллӣ, ягонагии мамлакат ва дар маҷмӯъ, рушду нумӯи Тоҷикистон мебошад. Имрӯз ҳама бояд даст ба даст дода, ваҳдати миллиро ҳифз намоем.

Инчунин  дар ҳамоиши мазкур  директори Маркази исломшиносии назди Президенти Ҷумҳурии Тоҷикистон Файзулло Баротзода,    намояндаи Кумитаи давлатии амнияти миллии Ҷумҳурии Тоҷикистон Далерҷон Маҳкамов, раиси намояндагии  Институти  инъикоси  ҷанг ва сулҳ дар Осиёи Марказӣ Абахон Султонназаров,   котиби Маркази исломшиносии назди Президенти Ҷумҳурии Тоҷикистон Маҳрамбек Маҳрамбеков  иштирок намуда, доир ба масъалаҳои   пешгирӣ аз паҳн кардани  маводи экстремистию ифротӣ, хусуматҳои динӣ, ҳамгироӣ ва  хатарҳои эҳтимолии экстремизму  терроризм ба амнияти миллӣ   изҳори ақида намуданд.

Июль 20, 2019 09:20

Хабарҳои дигари ин бахш

Дар Душанбе вобаста ба таҳаввули ҷойгоҳи Осиёи Марказӣ дар низоми ҳамкории С5+1 ҳамоиш баргузор шуд
ОГОҲӢ. 22-23 май дар минтақаҳои кӯҳии Тоҷикистон борони пуршиддат дар назар аст
Бахшида ба Рӯзи ҷавонони Тоҷикистон дар Академияи идоракунии давлатӣ ҳамоиш баргузор шуд
Дар Санкт-Петербург Форуми байналмилалии ҳуқуқӣ баргузор гардид
Дар Маркази стоматологии вилояти Хатлон ҷарроҳиҳои ҷоғу рӯй гузаронида мешаванд
Бахшида ба Рӯзи ҷавонони Тоҷикистон ҳамоиши ҷавонону варзишгарон баргузор шуд
Намояндаи Тоҷикистон дар Форуми XIII байналмилалии ҳуқуқии Петербург иштирок намуд
Форуми ҷавонони Осиёи Марказӣ ва давлатҳои аъзои Шурои ҳамкории кишварҳои арабии Халиҷ баргузор мегардад
Ҷавонони Тоҷикистон — неруи бузург ва иқтидори беназир. Ба Рӯзи ҷавонон бахшида мешавад
Форуми ҷавонони ноҳияи Фирдавсии шаҳри Душанбе баргузор шуд
НАМУНАИ ИБРАТ. 40 сокини ноҳияи Данғара маблағи ҳаҷро дар корҳои ободонӣ сарф намуданд
Дар Эрон дастовардҳои Тоҷикистон дар самти ҳифзи ҳуқуқу озодиҳои инсон муаррифӣ карда шуданд