Дар Суғд ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон баррасӣ гардид

Июль 5, 2019 10:00

ДУШАНБЕ, 05.07.2019. /АМИТ «Ховар»/. 4 июл зимни иҷлосияи нуздаҳуми  Маҷлиси вакилони халқи вилояти Суғд ҷараёни иҷрои Қарори Ҳукумати Ҷумҳурии Тоҷикистон «Дар бораи Барномаи давлатии тарбияи ватандӯстӣ ва таҳкими ҳувияти миллии ҷавонони Тоҷикистон барои солҳои 2018-2020» баррасӣ гардид.

Тавре ба АМИТ «Ховар» аз Мақомоти иҷроияи ҳокимияти давлатии вилояти Суғд хабар доданд, иҷлосияи мазкур таҳти раёсати раиси вилоят, Раиси Маҷлиси вакилони халқи вилоят Раҷаббой Аҳмадзода баргузор гардида, дар он муовинони Раиси вилоят, вакилон, раисони шаҳру ноҳияҳо, роҳбарони ташкилоту идораҳои вилоятӣ ва сохторҳои мақомоти ҳифзи ҳуқуқ ширкат варзиданд.

Зикр гардид, ки қабули Қонуни Ҷумҳурии Тоҷикистон «Дар бораи ҷавонон ва сиёсати давлатии ҷавонон» собит сохт, ки Ҳукумат дар сиёсати худ ба ин қишри ҷомеа такя карда, тарбия ва ба камол расонидани онро яке аз вазифаҳои аввалиндараҷаи худ медонад. Ҷиҳати расидан ба ин ҳадафи олӣ аз ҷониби Ҳукумати Тоҷикистон як зумра барномаву стратегияҳои давлатӣ доир ба дастгирии ҷавонон, баланд бардоштани мақоми онҳо дар ҷомеа, беҳтар намудани вазъи иҷтимоии ҷавонон қабул гардида, босамар амалӣ шуда истодаанд.

Ҷавонон қувваи бузург ва пешбарандаи ҷомеа ба ҳисоб рафта, аз теъдоди умумии аҳолии вилоят қариб 903 400 (34%) нафарро   ҷавонони аз 14 то 30-сола ташкил медиҳанд. Аз ин миқдор 449 900 нафари онҳоро духтарон ташкил медиҳанд.

Таъкид гардид, ки барои амалисозии «Барномаи вилоятии тарбияи ватандӯстӣ  ва таҳкими ҳувияти миллии ҷавонони вилояти Суғд барои солҳои 2019-2022»  1 миллиону 164 ҳазор сомонӣ аз буҷети вилоятӣ пешбинӣ гардида, барои соли 2019-ум 200 ҳазор сомонӣ ҷудо гардид.

Илова бар ин, бо қарорҳои алоҳидаи Раиси вилоят ҷиҳати дастгирии ҷавонон, таъсиси стипендияи Раиси вилоят барои донишҷӯён, магистрантон ва аспирантони донишгоҳҳои олӣ ва варзишгарони муваффақ, баргузории мусобиқаҳои варзишӣ аз рӯи 15 намуди варзиш барои дарёфти Ҷоми Раиси вилоят, дастгирии Маҳфили хушдилон ва ҳозирҷавобон, баргузории фестивал – озмунҳо байни донишҷӯёни муассисаҳои таҳсилоти олӣ ва миёнаи касбӣ 582 ҳазор сомонӣ маблағ ҷудо гардидааст. Ҳамагӣ барои соли 2019 аз буҷети вилоят бо мақсади рушди ҷавонон 2 миллиону 206 ҳазор сомонӣ ҷудо гардидааст.

Дар иҷлосия Раҷаббой Аҳмадзода бобати таъмини босифати Барнома ҳарф зада, ниҳодҳои марбута ва раисони шаҳру ноҳияҳоро вазифадор намуд, ки бо истифода аз имкониятҳои мавҷуда дар ин самт корбариро ҷоннок намоянд.

Июль 5, 2019 10:00

Хабарҳои дигари ин бахш

«МАКТАБИ СИЁСИИ ПЕШВОИ МИЛЛАТ». Таҳти ин унвон дар шаҳри Бохтар конференсияи байналмилалии илмӣ-амалӣ доир мегардад
ХУРОФОТ ҶАҲОЛАТ АСТ. Дар ҷамоатҳои шаҳри Исфара бо сокинон оид ба хатари таассуб мулоқот доир шуд
Охири моҳи апрел ва аввали май Тоҷикистонро ҳавои номусоид интизор аст. Таъсири он ба соҳаи кишоварзӣ чӣ гуна аст?
Дар якчанд минтақаҳои Тоҷикистон корҳои безараргардонии жола анҷом ёфтанд
«ДӮСТ ОЯД ГАРМ ДАР ОҒӮШ ГИР!». Дар Тоҷикистон аввалин меҳмонии ҷавонони ҷумҳурӣ дар минтақаҳо оғоз шуд
Дар Конибодом доир ба оқибатҳои ногувори таассубу хурофотпарастӣ ва омилҳои пешгирии он мулоқот доир шуд
Дар Душанбе масоили ҳуқуқ, таҳсил ва бокортаъминкунии маъюбон таҳлилу баррасӣ гардид
Дар Тоҷикистон мавсими эҳтимолии сел, обхезӣ ва сангрезӣ аст. Чиро бояд дар хотир дошт?
Дар Восеъ довталабони хизмати аскарӣ соҳиби шаҳодатномаи ронандагӣ шуданд
Ба беморхонаи ноҳияи Шуғнон нақлиёти «Ёрии таъҷилии тиббӣ» тақдим гардид
Маликшо Неъматзода ва Осама Маккави барои амалӣ намудани барномаҳои ҳамкорӣ изҳори омодагӣ намуданд
Дар Душанбе Конвенсия оид ба ҳуқуқҳои маъюбон мавриди баррасӣ қарор гирифт