Дар Суғд коргоҳи муштараки мурғпарварӣ ба фаъолият оғоз намуд

Июль 5, 2019 15:32

ХУҶАНД, 05.07.2019. /АМИТ «Ховар»/. Бахшида ба 30-солагии Истиқлолияти давлатии Ҷумҳурии Тоҷикистон дар доираи нақшаи чорабиниҳои мақомоти иҷроияи ҳокимияти давлатии шаҳри Хуҷанд боз як корхонаи муштараки мурғпарварии ҶДММ «Суғд Самарқанд Парранда» мавриди истифода қарор гирифт.

Тавре ба хабарнигори минтақавии АМИТ «Ховар» аз Мақомоти иҷроияи ҳокимияти давлатии шаҳри Хуҷанд иттилоъ доданд, корхонаи навтаъсис дар минтақаи саноатии шимолу шарқии шаҳр ҷойгир буда, бо иқдоми соҳибкори самарқандӣ Заршед Муҳаммадиев ва соҳибкори маҳаллӣ Абдуаҳад Раҳимов бунёд гардидааст. Корхона барои истеҳсоли чӯҷаи бройлерӣ пешбинӣ гардидааст.

Гуфта мешавад, ки коргоҳ дар марҳилаи аввал тухмҳоро аз шаҳри Самарқанд ворид намуда, бо таҷҳизоти муосир парвариши чӯҷаро ба роҳ мемонад. Иқтидори истеҳсолии моҳонаи чӯҷаи навъи бройлерӣ дар ин коргоҳ 100 ҳазор сарро ташкил медиҳад.

Ҳамчунин ҶДММ «Суғд Самарқанд Парранда» истеҳсоли гӯшти мурғро низ ба роҳ мондааст, ки дар як моҳ то 100 тоннаро ташкил медиҳад. Чӯҷаҳо бо усули муосир парвариш ва нигоҳубин карда мешаванд.
Корхона дар шаҳру навоҳии Исфара ва Мастчоҳ филиали худро ифтитоҳ намуда, баҳри тавсеаи фаъолият нақшаҳои мушаххас дорад. Алҳол дар самти рушди корхона беш аз 100 ҳазор доллари амрикоӣ сармоя ҷалб гардида, то охири соли равон он ба 500 ҳазор доллар расонида мешавад.

Дар назар аст, ки миқдори умумии кормандон бо назардошти филиалҳо ба зиёда аз 50 нафар расонида шавад.

Июль 5, 2019 15:32

Хабарҳои дигари ин бахш

Тоҷиддин Ҷӯразода дар қароргоҳи СММ доир ба таъсири пандемияи COVID-19 ва тағйирёбии иқлим ба соҳаи сайёҳии Тоҷикистон сухан гуфт
Саъдӣ Каримзода ва Теклу Тесфайе масъалаҳои марбут ба соҳаи кишоварзиро баррасӣ карданд
Форуми саёҳативу тиҷоратии Тоҷикистон ва Узбекистон ба ҳамкорӣ дар бахши сайёҳӣ тавсеа мебахшад
Тоҷикистон ва Узбекистон ҳамкориро дар соҳаи экология ва ҳифзи муҳити зист таҳким мебахшанд
Дар се моҳи аввали соли 2022 дар Тоҷикистон ба масоҳати 250,4 ҳазор метри мураббаъ хонаҳои истиқоматӣ сохта шуданд
Масъалаи таъсиси Фонди байналмилалии ҳифзи пиряхҳо дар Тоҷикистон мавриди баррасӣ қарор гирифт
Дар Тошканд электробус ва электротроллейбуси «Акиа Авесто»-и Тоҷикистон таваҷҷуҳи ширкатҳои хориҷиро ба худ ҷалб намуданд
Намояндагони ширкатҳои сайёҳии Узбекистон аз маконҳои сайёҳии вилояти Суғд дидан менамоянд
ПАНҶСОЛАИ РУШДИ САНОАТ. Дар шаҳри Гулистон як зумра корхонаҳои саноатӣ бунёд мегарданд
Дар Тоҷикистон баҳри нест кардани малах корҳои кимиёвӣ ҷараён доранд
Ҷаласаи XVIII гурӯҳи корӣ оид ба таҳияи стандартҳои назорати давлатии молиявии мақомоти олии аудити давлатҳои аъзои ИДМ баргузор шуд
Тоҷиддин Ҷӯразода ва Абдулло Шаҳид дар Ню-Йорк вазъ ва дурнамои рушди сайёҳии Тоҷикистонро баррасӣ намуданд