Имсол 750 нафар шаҳрвандони Ӯзбекистон дар Донишгоҳи давлатии омӯзгории Тоҷикистон бо таҳсил фаро гирифта шуданд
ДУШАНБЕ, 11.07.2019. /АМИТ «Ховар»/. Бо барқарор гардидани робитаҳои дӯстона ва дуҷонибаи Ҷумҳурии Тоҷикистон ва Ҷумҳурии Ӯзбекистон дар зарфи се соли охир ба самти таҳкими ҳамкории ду кишвар, бахусус соҳаи маориф заминаи мусоид фароҳам омад. Ин аст, ки дар соли таҳсили 2018-2019 дар Донишгоҳи давлатии омӯзгории Тоҷикистон ба номи Садриддин Айнӣ 750 нафар шаҳрвандони Ҷумҳурии Ӯзбекистон ба таҳсил фаро гирифта шуданд. Ин матлабро ректори Донишгоҳи мазкур Нӯъмонҷон Ғаффорӣ имрӯз, 11 июл зимни нишасти матбуотии ин ниҳод иброз намуд.
Ба иттилои номбурда, дар соли таҳсили 2018-2019 Донишгоҳи давлатии омӯзгории Тоҷикистон бо 74 донишгоҳи дуру наздик созишномаи ҳамкорӣ ба имзо расонид.
«Аз ҷумла, бо Донишгоҳи давлатии Термизи Ҷумҳурии Ӯзбекистон, Донишгоҳи давлатии Комсомоли Амур, Донишгоҳи давлатии Урали Ҷанубӣ, Донишгоҳи шаҳри Венаи Австрия созишномаҳои ҳамкорӣ ба имзо расиданд»,- иброз дошт Нӯъмонҷон Ғаффорӣ.
Ба зикри ректори донишгоҳ, ҳамкорӣ миёни донишгоҳҳои мазкур бо мақсади табодули таҷриба дар доираи семинар, ҳамоишҳо, конференсия, гузаронидани курсҳои кӯтоҳмуддати такмили ихтисос, дар самти амалӣ намудани корҳои илмӣ-методӣ ва тадқиқотӣ амалӣ мегарданд.
Зимни нишаст иттилоъ дода шуд, ки айни замон дар донишгоҳ 14 факултет, 68 ихтисос дар зинаҳои бакалавру мутахассис ва 27 ихтисос дар шакли таҳсили фосилавӣ (ғоибона), инчунин 21 ихтисос дар зинаи таҳсили магистратура амал мекунанд.
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
