Носир Раҳмон, директори МД «Тоҷикфилм»: «Дар ҷумҳурӣ рӯзҳои кинои Россия, Германия, Франсия ва Туркия баргузор мегарданд»

Июль 24, 2019 15:26

 ДУШАНБЕ, 24.07.2019 /АМИТ «Ховар»/.   Ояндаи  наздик дар ҷумҳурӣ рӯзҳои кинои Россия, Германия, Франсия ва Туркия баргузор мегарданд.  Ин матлабро  имрӯз зимни нишасти матбуотӣ директори Муассисаи давлатии «Тоҷикфилм» Носир Раҳмон ба хабарнигорон изҳор намуд. 

Н.Раҳмон зикр намуд, ки  дар ҳамкорӣ бо сафоратхонаҳои Россия, Германия, Франсия ва Туркия оид ба баргузор намудани рӯзҳои кинои ин мамлакатҳо дар Ҷумҳурии Тоҷикистон ба мувофиқа расидаанд ва моҳҳои наздик барномаҳои мазкур баргузор карда мешаванд.

Ҳамчунин зикр гардид, ки фаъолияти байналмилалии муассиса самаранок буда, дар ин давра, хушбахтона, меморандуми ҳамкорӣ бо Агентии миллии «Ӯзбеккино» ва моҳи июни соли равон созишномаи ҳамкорӣ бо кинематографистони Ҷумҳурии Мардумии Чин ба имзо расид. Дар доираи тадбиқи ин созишномаҳо ҳамкориву равобити манфиатноки Муассисаи давлатии «Тоҷикфилм» бо Агентии миллии «Ӯзбеккино» ва Раёсати давлатии кинематографияи Ҷумҳурии мардумии Чин таҳкиму густариш меёбанд.

Зикр гардид, ки бозомӯзии такмили ихтисос барои кормандони муассиса дар ҳамкориву равобит бо киноконсерни «Мосфилм» дар арафаи татбиқ қарор дошта, муколамаву суҳбатҳо дар ин маврид идома доранд.

Инчунин дар нишаст зикр карда шуд, ки дар доираи тадбиқи «Барномаи рушди кино дар Ҷумҳурии Тоҷикистон барои солҳои 2018-2022» заминаи моддиву техникии муассиса боз ҳам такмил ёфта, таҷҳизоту воситаҳои  муосири наворбардорию филмофарӣ таъмин гардиданд.

«Дар доираи барномаи мазкур Ҳукумати Ҷумҳурии Тоҷикистон барои таъмири кинотеатрҳо  маблағгузорӣ карда истодааст. Ҳамчунин мо бо соҳибкорон ҳамкорӣ дорем ва бо дастгирии онҳо айни ҳол  кинотеатри  ноҳияи Восеъро   таъмир карда истодаем»,- иброз дошт Носир Раҳмон.

 

Июль 24, 2019 15:26

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад