Варзишгари ҷавони тоҷик Далер Ризозода соҳиби медали биринҷии Чемпионати Осиё гардид

Июль 11, 2019 15:10

ДУШАНБЕ, 11.07.2019 /АМИТ «Ховар»/.  Паҳлавони шинохтаи  тоҷик Далер Ризозода дар Чемпионати Осиё оид ба гӯштин миёни ҷавонон дар равияи юнонӣ-римӣ сазовори медали биринҷӣ гардид. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ  ба мухбири АМИТ «Ховар» Меҳрони Қурбон хабар дод.

Тибқи иттилои манбаъ, Чемпионати Осиё оид ба гӯштин миёни ҷавонон 9 июл дар шаҳри Чон Бурии Тайланд оғоз шуда, то 14 июл идома меёбад. Дар чемпионат 308 нафар варзишгар аз 20 давлати қора иштирок доранд. Онҳо дар равияҳои гӯштини озод, юнонӣ-римӣ ва гӯштини занона миёни ҳам рақобат мекунанд.

Ёдовар мешавем, ки  Ҷумҳурии Тоҷикистонро  дар мусобиқаи мазкур  4 варзишгари шинохта  Саидҷон Гулов (57кг), Шуҳрати Зафархон (61кг) дар гӯштини озод, Далер Ризозода (72кг) ва Азимҷон Ҳамидов (87кг) дар гӯштини юнонӣ-римӣ дар шаҳри  Тайланд намояндагӣ мекунанд.

Бояд зикр кард, ки варзишгари  тоҷик  Далер Ризозода дар вазни 72кг рақобатро аз даври чорякфинал оғоз карда, бар намояндаи Кореяи Ҷанубӣ Деокҷин Ан бо ҳисоби 10:2 пирӯз шуд, вале дар нимфинал аз варзишгари ӯзбекистонӣ Алиҷон Ҳусейнов, ки медали нуқра гирифт, бо ҳисоби 3:6 шикаст хӯрд. Далер баъдан дар қувваозмоӣ барои ҷои сеюм бар паҳлавони  Қирғизистон Алмазбек Бегалиев бо ҳисоби 5:0 дастболо шуда, ба гирифтани медали биринҷӣ мушарраф гардид. Медали тиллои ин вазнро Муҳаммадризо Маҳмуд Рустамии эронӣ соҳиб шуд. Варзишгари Ҳиндустон Раҳул Раҳул медали дигари биринҷиро ба гардан овехт.

Хотиррасон менамоем, ки  паҳлавони дигари тоҷик Азимҷон Ҳомидов дар вазни 87кг дирӯз дар қувваозмоии якумаш аз  варзишгари  ҳинду  Кумар Сунили мағлуб гашт.

Мусобиқоти гӯштини юнонӣ-римӣ ба анҷом расид. 11-12 июли соли равон  бонувон гӯштин мегиранд ва 13-14 июл қувваозмоиҳои гӯштини озод баргузор мешаванд.

Бояд гуфт, ки Далер Ризозода моҳи марти имсол дар Чемпионати Осиё миёни ҷавонони то 23-сола дар  шаҳри  Уланбатори Муғулистон сазовори медали нуқра гардида буд.

 

Июль 11, 2019 15:10

Хабарҳои дигари ин бахш

Шоҳҷоизаҳои гӯштини миллии шаҳри Роғунро паҳлавонҳо аз Тоҷикистон ва Узбекистон сазовор шуданд
ФУТБОЛ. Қуръакашии марҳилаи муқаддамотии Ҷоми Тоҷикистон-2025 баргузор шуд
ФУТБОЛ. Дастаи мунтахаби Тоҷикистон бо тими миллии Камбоҷа бозии дӯстона анҷом медиҳад
Ҷудочиёни тоҷик барои иштирок дар чемпионати Осиё ба Тайиланд сафар намуданд
Аз Тоҷикистон дар мусобиқаи «Dushanbe Grand Slam 2025» 36 варзишгар иштирок менамояд
Ҳайати паҳлавонони тоҷик барои иштирок дар Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» муайян шуд
Варзишгарони тоҷик дар Чемпионати Осиё ва Уқёнусия оид ба самбо соҳиби 27 медал гардиданд
Шоҳҷоизаҳои гӯштини миллии шаҳри Ваҳдатро Сомон Аламов ва Ғазалшои Давлатшо сазовор шуданд
Ғолибону ҷоизадорони 15-умин Ниммарафони байналмилалии шаҳри Душанбе муайян гардиданд
Дастаи мунтахаби футзали Тоҷикистон бо тими миллии Узбекистон бозиҳои дӯстона анҷом дод
Дастаи мунтахаби наврасони Тоҷикистонро дар Фурудгоҳи байналмилалии Душанбе истиқбол намуданд
Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» доир мешавад