Ба садама дучор гардидани ҳавопаймои «Ан-2»
ДУШАНБЕ, 04.08.2019. /АМИТ «Ховар»/. 04-уми августи соли 2019, соати 10.40 ҳавопаймои таълимии Ташкилоти ҷамъиятии мададгори мудофиаи Ҷумҳурии Тоҷикистон тамғаи «Ан-2», рақами қайди РТ-15-305, соли бароришаш 1978 ҳангоми анҷом додани машқҳои нақшавӣ дар маркази таълимии «Фахробод»-и Вазорати мудофиа Ҷумҳурии Тоҷикистон бо сабабҳои техникӣ ба садама дучор гардид.
Зимни садама, сарнишини ҳавопаймо лейтенанти калон Давлатов Бахтиёр Ҳасанович, соли таваллудаш 1991, зода ва истиқоматкунандаи шаҳри Душанбе, ҷароҳат бардошта, дар беморхонаи ноҳияи Хуросон бистарӣ карда шудааст.
Сарнишини дигари ҳавопаймо Раҳматов Илҳом Дуллоевич, соли таваллудаш 1951, истиқоматкунандаи шаҳри Душанбе дар беморхонаи болозикр вафот кард.
Ҳавопаймо 8 нафар шаҳрвандони хоҳишмандро пас аз гузаштани машқҳои таълимӣ ва ташхиси тиббӣ ба баландии 800 метр ба ҳаво бароварда, онҳоро бо истифода аз парашют ба замин мепартояд. Зимни нишаст тахминан дар масофаи 10 метр аз замин ҳавопаймо бо сабабҳои техникӣ дучори фуруди сахт гардида ба замин бархурд.
Вобаста ба сукути ҳавопаймо аз ҷониби раёсати тафтишотии Кумитаи давлатии амнияти миллии Ҷумҳурии Тоҷикистон парвандаи ҷиноятӣ оғоз ва тибқи қонун ҳаракатҳои тафтишотӣ гузаронида мешавад.
Хадамоти матбуоти Ташкилоти ҷамъиятии
мададгори мудофиаи Ҷумҳурии Тоҷикистон
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
