Дар шаҳри Роғун Маркази таълимии рушди малакаҳо бунёд мегардад
РОҒУН, 03.08.2019 /АМИТ «Ховар»/. Соли 2019 дар шаҳри Роғун аз ҷониби Бонки рушди Осиё як лоиҳаи калон тарҳрезӣ гардида, айни замон дар ҳоли таҳия қарор дорад. Лоиҳаи мазкур бо мақсади омода намудани мутахассисони варзида ва ба талаботи замон ҷавобгӯ сохтмони Маркази таълимии рушди малакаҳоро дар ин шаҳр пешбинӣ намудааст. Дар ин бора мудири шуъбаи рушди ичтимоӣ ва робита бо ҷомеаи шаҳри Роғун Абдулмумин Худойдодов ба хабарнигори АМИТ «Ховар» иттилоъ дод.
Ба иттилои манбаъ, лоиҳа бо маблағи беш аз 9 млн доллари амрикоӣ амалӣ мегардад. Аз ҷониби мақомоти иҷроияи ҳокимияти давлатии шаҳр барои сохтмони бинои таълимии рушди малакаҳо, ки бо тамоми инфрасохтори зарурӣ аз ҷониби Бонки рушди Осиё сохта мешавад, 2 гектар замин ҷудо гардидааст.
Маълум аст, ки бунёди корхонаҳои нави истеҳсолӣ, зиёд намудани ҳаҷми истеҳсолот, рушд додани соҳаҳои гуногуни хоҷагии халқ барои пешрафти зиндагии шоистаи аҳолӣ замина мегузоранд. Ҳамзамон амалӣ гардидани лоиҳаҳои хурду бузург барои беҳбуд бахшидани сатҳи зиндагонии аҳолӣ мусоидат менамояд.
Дар айни замон корҳои лоиҳакашию меъмории маркази мазкур бо маром идома доранд. Ба истифода додани бинои марказ туҳфаи арзандае ба истиқболи ҷашни 30-солагии Истиқлолияти давлатии Ҷумҳурии Тоҷикистон маҳсуб мешавад.
Шумораи аъзои Ҳизби Халқии Демократии Тоҷикистон дар шаҳри Душанбе беш аз 84,4 ҳазор нафарро ташкил медиҳад
Вобаста ба ҳамкории байналмилалӣ ва тамоюли иҷрои маҷбурии санадҳои судӣ конференсияи байналмилалӣ доир гардид
Бо дастури Пешвои миллат Эмомалӣ Раҳмон 47 шаҳрванди Тоҷикистон аз Сурия ба Ватан баргардонида шуд
«ТОБИСТОН- 2024». Дар Душанбе ҷаласаи ситоди ҷумҳуриявӣ доир шуд
Дар Маҷмааи тандурустии «Истиқлол» табибони Тоҷикистон ва Эрон амалиёти мураккаби ҷарроҳӣ анҷом доданд
Моҳи май Озмуни ҷумҳуриявии «Оилаи намунавӣ» дар шаҳри Душанбе ҷамъбаст мегардад
Дар шаҳри Исфара сел талафот ва харобӣ ба амал наовардааст
Бахшида ба оғози Ҳафтаи аврупоии иммунизатсия дар Ҷумҳурии Тоҷикистон ҳамоиш баргузор шуд
СОЛИ МАЪРИФАТИ ҲУҚУҚӢ. Дар Муассисаи давлатии «Маркази миллии патенту иттилоот» ҳамоиш доир гардид
Дар ноҳияи Рӯшон барои пешгирӣ ва рафъи оқибатҳои офатҳои табиӣ машқи мукаммал гузаронида шуд
ДАЪВАТИ ҶАВОНОН БА ОМӮЗИШИ ИЛМ ВА КАСБУ ҲУНАР. Дар ноҳияи Муъминобод оид ба ин мавзуъ вохӯриҳо доир мешаванд
Маъракаҳои пурдабдаба, хароҷоти беҳуда ва хурофотпарастӣ ба сатҳи зиндагонии аҳолӣ таъсири манфӣ мерасонад
