БОРИ АВВАЛ ТАЪРИХИ МУФАССАЛИ НИЗОМИИ ТОҶИКИСТОН НАВИШТА ВА ЧОП ШУД! Дирӯз дар Китобхонаи миллӣ рӯнамоии ин китоби пурарзиш, ки дар Хуҷанд интишор ёфта, ба ҷашни Истиқлолияти Тоҷикистон бахшида шудааст, доир гардид
ДУШАНБЕ, 06.09.2019./АМИТ «Ховар»/. Дар арафаи 28-умин солгарди Истиқлолияти давлатии Тоҷикистон аввалин таърихи муфассали низомии Тоҷикистон дар ду ҷилд бо номи «Таърихи низомии Тоҷикистон» («Военная история Таджикистана») навишта ва чоп шуд. Дирӯз дар Китобхонаи миллӣ рӯнамоии он бо ширкати ҷамъе аз донишмандон, пажӯҳишгарон, коршиносон, низомиён ва рӯзноманигорони дохиливу хориҷӣ баргузор гардид, хабар медиҳад мухбири АМИТ «Ховар».
Муаллифони ин китоби пурарзиш Назаршо Назаршоев ва Илҳом Бониёзов мебошанд. Муаллифон кӯшидаанд таърихи пайдоиши артишро аз қадим то ба имрӯз ба риштаи тасвир кашанд. Барои навиштани ин асари пажӯҳишӣ онҳо аз ҳар сарчашмаи хаттии дастрас истифода кардаанд ва талош намудаанд, шуруъ аз аввалин нишонаҳои пайдоиши артиш то ба имрӯзро бо далоили таърихӣ рӯйи чоп оранд.
Китоб зери назари Вазири мудофиаи Ҷумҳурии Тоҷикистон, генерал-полковник Шералӣ Мирзо дар чопхонаи «Хуросон»-и шаҳри Хуҷанд интишор ёфтааст.
Мавриди зикр аст, ки дирӯз ин китоб дар толори Донишкадаи ҳарбии Вазорати мудофиаи Тоҷикистон бо ширкат ва раёсати муовини Вазири мудофиаи мамлакат генерал-майор Асрор Латифӣ низ муаррифӣ гардид.
Тавре хабарнигори АМИТ «Ховар» бо истинод ба нақли яке аз муаллифони китоб – Илҳои Бониёзов иттилоъ медиҳад, то имрӯз таърихи низомии кишварамон дар илми таърихнигорӣ ба таври комил омӯхта нашуда буд. Ягона кори илмии пурарзиш дар ин мавзуъ китоби «Военная история Таджикистана»-и доктори илмҳои таърих, профессор, академики Академияи илмҳои ҷамъиятшиносии Россия Назаршо Назаршоев маҳсуб меёфт, ки ду бор – солҳои 2002 ва 2009 нашр шуда буд ва таърихи мухтасари низомии Тоҷикистонро асосан дар асри 20 дарбар мегирифт.
Китоби нави «Таърихи низомии Тоҷикистон»(«Военная история Таджикистана») таърихи низомии Тоҷикистонро аз замонҳои қадим то рӯзҳои мо бозгӯ мекунад.
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
«ИЛМ-ФУРӮҒИ МАЪРИФАТ». Дар шаҳри Хуҷанд даври якуми озмуни ҷумҳуриявӣ идома дорад
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Дар Китобхонаи миллӣ даври аввали озмуни «Фурӯғи субҳи доноӣ китоб аст» баргузор гардид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Дар Тоҷикистон моҳи май Озмуни ҷумҳуриявии «Донандаи беҳтарини асарҳои Пешвои миллат» оғоз мегардад
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
Аз Ҳисор 58 нафар ба даври минтақавии озмуни «Тоҷикистон-Ватани азизи ман» роҳхат гирифтанд
Дар Донишгоҳи техникии Тоҷикистон даври якуми Озмуни ҷумҳуриявии «Илм-фурӯғи маърифат» оғоз шуд
