БОРИ АВВАЛ ТАЪРИХИ МУФАССАЛИ НИЗОМИИ ТОҶИКИСТОН НАВИШТА ВА ЧОП ШУД! Дирӯз дар Китобхонаи миллӣ рӯнамоии ин китоби пурарзиш, ки дар Хуҷанд интишор ёфта, ба ҷашни Истиқлолияти Тоҷикистон бахшида шудааст, доир гардид

Сентябрь 6, 2019 13:36

ДУШАНБЕ, 06.09.2019./АМИТ «Ховар»/. Дар арафаи 28-умин солгарди Истиқлолияти давлатии  Тоҷикистон аввалин таърихи муфассали низомии Тоҷикистон дар ду ҷилд бо номи «Таърихи низомии Тоҷикистон» («Военная история Таджикистана»)  навишта ва чоп шуд. Дирӯз дар Китобхонаи миллӣ рӯнамоии он бо ширкати ҷамъе аз донишмандон, пажӯҳишгарон, коршиносон, низомиён ва рӯзноманигорони дохиливу хориҷӣ  баргузор гардид, хабар медиҳад мухбири АМИТ «Ховар». 

Муаллифони ин китоби пурарзиш Назаршо Назаршоев ва Илҳом Бониёзов мебошанд. Муаллифон кӯшидаанд таърихи пайдоиши артишро аз қадим то ба имрӯз ба риштаи тасвир кашанд. Барои навиштани ин асари пажӯҳишӣ онҳо аз ҳар сарчашмаи хаттии дастрас истифода кардаанд ва талош намудаанд, шуруъ аз аввалин нишонаҳои пайдоиши артиш то ба имрӯзро бо далоили таърихӣ рӯйи чоп оранд.

Китоб зери назари Вазири мудофиаи Ҷумҳурии Тоҷикистон, генерал-полковник Шералӣ Мирзо дар чопхонаи «Хуросон»-и шаҳри Хуҷанд интишор ёфтааст.

Мавриди зикр аст, ки  дирӯз ин китоб дар толори Донишкадаи ҳарбии Вазорати мудофиаи Тоҷикистон бо ширкат ва раёсати муовини Вазири мудофиаи мамлакат  генерал-майор Асрор Латифӣ низ муаррифӣ  гардид.

Тавре хабарнигори АМИТ «Ховар» бо истинод ба нақли яке аз муаллифони китоб – Илҳои Бониёзов   иттилоъ медиҳад, то имрӯз таърихи низомии кишварамон дар илми таърихнигорӣ ба таври комил омӯхта нашуда буд. Ягона кори илмии пурарзиш дар ин мавзуъ китоби «Военная история Таджикистана»-и доктори илмҳои таърих, профессор, академики Академияи илмҳои ҷамъиятшиносии Россия Назаршо Назаршоев маҳсуб меёфт, ки ду бор – солҳои 2002 ва 2009 нашр шуда буд ва таърихи мухтасари низомии Тоҷикистонро  асосан дар асри 20 дарбар мегирифт.

Китоби нави «Таърихи низомии Тоҷикистон»(«Военная история Таджикистана») таърихи низомии Тоҷикистонро аз замонҳои қадим то рӯзҳои мо бозгӯ мекунад.

Сентябрь 6, 2019 13:36

Хабарҳои дигари ин бахш

БОРИ АВВАЛ ДАР ҲАЗОРОН СОЛ. 31 ибтикори барҷастаи Эмомалӣ Раҳмон, ки Тоҷикистонро ба таври назарррас дигаргун намуда, мавриди эътирофи ҷомеаи ҷаҳонӣ қарор гирифтаанд
ЭМОМАЛӢ НОМ НИҲОДАН БА ФАРЗАНДОН НИШОНАИ МУҲАББАТИ БЕАНДОЗАИ МАРДУМ БА ПЕШВОИ МИЛЛАТ АСТ! Эҳдо ба зодрӯзи Президенти Ҷумҳурии Тоҷикистон муҳтарам Эмомалӣ Раҳмон
Сайид Иброҳим Раисӣ: «Мо шоҳиди саҳифаҳои нави ҳамкории Тоҷикистон ва Эрон хоҳем шуд»
Илҳом Алиев ба он бовар аст, ки бо сипарӣ намудани роҳи мақсаднок Тоҷикистон минбаъд низ ба самти пешрафт ҳаракат мекунад
Реҷеп Тайип Эрдоган: «Мо барпо намудани ояндаи муштаракамонро дар асоси ҳамкории дуҷониба ва бисёрҷониба идома хоҳем дод»
Роҳбари Чин Си Ҷинпин изҳор намуд, ки муносибатҳои хуби корӣ ва дӯстии қарини шахсӣ бо Президенти Тоҷикистон Эмомалӣ Раҳмонро қадр менамояд
Владимир Путин ба обрӯю эътибори Пешвои миллат Эмомалӣ Раҳмон дар арсаи ҷаҳонӣ баҳои баланд дод
Александр Лукашенко: «Мулоқоти дарпешистода бо Эмомалӣ Раҳмон ба ҳамкории стратегии ду давлат такони иловагӣ хоҳад дод»
Президенти Ҷумҳурии Узбекистон Шавкат Мирзиёев: Муносибатҳои гуногунҷанбаи Узбекистон ва Тоҷикистон минбаъд низ дар рӯҳияи дӯстии абадӣ инкишоф меёбанд
Доир ба нақши Президенти Тоҷикистон дар танзими масоили Афғонистон китоби нави Муҳаммадӣ Сафолзода ба нашр расид
Владимир Путин Пешвои миллат Эмомалӣ Раҳмонро бо ордени «Барои хизмат дар назди Ватан» қадрдонӣ кард
ГАРМШАВИИ ИҚЛИМ. Дабири кулли СММ аз сарони давлатҳо даъват кард, ки дар конфронс оид ба иқлим иштирок намоянд