Дилрабо Мансурӣ бо ҷараёни баргузории рӯзи якуми даври ниҳоии озмуни «Фурӯғи субҳи доноӣ китоб аст» шинос шуд
ДУШАНБЕ, 15.11.2025 /АМИТ «Ховар»/. 14 ноябр муовини Сарвазири Ҷумҳурии Тоҷикистон, раиси Комиссияи ҷумҳуриявии озмуни «Фурӯғи субҳи доноӣ китоб аст» Дилрабо Мансурӣ бо ҷараёни баргузории рӯзи якуми даври ниҳоии озмун дар Китобхонаи миллии Тоҷикистон шинос шуд. Дар ин хусус ба АМИТ «Ховар» аз Вазорати маориф ва илми ҷумҳурӣ хабар доданд.
Муовини Сарвазири Тоҷикистон бо ҷараёни иҷрои вазифаҳо дар ҳама номинатсияҳои озмун, аз ҷумла «Адабиёти кӯдакону наврасон ва осори шифоҳӣ», «Адабиёти муосири тоҷик», «Адабиёти классикии тоҷик» ва «Адабиёти ҷаҳон» шинос шуд.
Масъулини комиссия, доварон ва иштирокчиён дар бораи сатҳи омодагӣ, ҷараёни пешниҳоди мавод ва муҳити озмун маълумоти муфассал пешниҳод намуданд.
Дилрабо Мансурӣ дар суҳбат бо довталабон ба ташаббус ва талошҳои китобхонӣ, заҳмати омӯзгорон ва дастгирии волидон баҳои баланд дода, иброз намуд, ки ин озмун яке аз ташаббусҳои беназири Президенти мамлакат муҳтарам Эмомалӣ Раҳмон дар самти боло бурдани фарҳанги мутолиа ва завқи китобхонии насли ҷавон мебошад.
Иброз шуд, ки таваҷҷуҳи рӯзафзуни хонандагону донишҷӯён ба китоб ва афзоиши шумораи иштирокчиён аз он дарак медиҳад, ки озмун ба ташаккули тафаккури созанда ва пурзӯр гардидани шавқи мутолиа дар ҷомеа мусоидат намудааст.
Баъди шиносоӣ бо ҷараёни озмун Дилрабо Мансурӣ барои дар сатҳи баланд гузаронидани озмун, шаффофият ва риояи талаботи Низомнома дастурҳои мушаххас дод.
АКС: Вазорати маориф ва илми Ҷумҳурии Тоҷикистон
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
«ТОҶИКИСТОН — ВАТАНИ АЗИЗИ МАН». Дар Донишгоҳи давлатии ҳуқуқ, бизнес ва сиёсати Тоҷикистон даври донишгоҳии озмун доир шуд
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
Дар шаҳри Ҳисор маҳфил-озмунҳои «Тоҷикистони ман!» ва «Шоҳномахонӣ» оғоз гардиданд
«ТОҶИКИСТОН — ВАТАНИ АЗИЗИ МАН». Дар ноҳияи Варзоб даври ноҳиявии озмуни ҷумҳуриявӣ доир шуд
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
