Дар Ню-Йорк ҳамкории Тоҷикистон бо ниҳодҳо ва сохторҳои СММ баррасӣ гардид
ДУШАНБЕ, 27.09.2019 /АМИТ «Ховар»/. 26 сентябр дар ҳошияи иҷлосияи 74-уми Маҷмаи СММ Вазири корҳои хориҷии Тоҷикистон Сироҷиддин Муҳриддин бо Директори иҷроияи Директорати иҷроияи Кумитаи зиддитеррористии Шӯрои амнияти СММ (CTED) Мишел Конинскс вохӯрӣ анҷом дод.
Тавре АМИТ «Ховар» бо истинод ба Намояндагии доимии Ҷумҳурии Тоҷикистон дар Созмони Милали Муттаҳид хабар медиҳад, ҷонибҳо зимни мулоқот масъалаҳои ҳамкории Тоҷикистону CTED-ро дар самти мубориза бо терроризм мавриди муҳокима қарор доданд.
Инчунин ҷонибҳо вобаста ба масъалаи таҳдидҳои замони муосир ва чолишҳои минтақавӣ мубодилаи афкор намуданд.
Инчунин 26 сентябр Вазири корҳои хориҷии Тоҷикистон Сироҷиддин Муҳриддин бо Маъмури Барномаи Рушди СММ Ахим Штайнер мулоқот намуд.
Ҷонибҳо зимни мулоқот масъалаҳои ҳамкорӣ байни Тоҷикистон ва БРСММ-ро мавриди муҳокима қарор дода, вобаста ба масъалаи роҳҳои таҳкиму тавсеаи ҳамкорӣ мубодилаи афкор намуданд.
Вазири корҳои хориҷӣ Ахим Штайнерро барои иштирок дар Конфронси бахшида ба татбиқи Даҳсолаи амал «Об барои рушди устувор», ки дар назар аст соли оянда дар шаҳри Душанбе баргузор гардад, даъват намуд.
АКС: ВКХ ҶТ
Дар Москва дар мавзуи саҳми Абуалӣ ибни Сино дар ташаккули соҳаи тиб конфронси байналмилалии илмӣ доир шуд
Тоҷикистон ва Кувайт таҳкими ҳамкориро дар арсаи рушд баррасӣ намуданд
Дар Душанбе таҳти унвони «Тоҷикистон ва 35 соли соҳибистиқлолӣ: таҷрибаи сулҳофарӣ, сиёсати бисёрсамта ва рушди устувор» конфронси байналмилалӣ баргузор шуд
Дар Душанбе таҷрибаи 35-солаи сулҳофарӣ ва сиёсати бисёрсамтаи Тоҷикистон баррасӣ шуд
Сафири Тоҷикистон дар Кувайт бо Мудири омили Ширкати ҳавопаймоии «Jazeera Airways» мулоқот намуд
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
«Барномаи ҳамкорӣ байни вазоратҳои корҳои хориҷии Тоҷикистон ва Туркманистон барои солҳои 2027–2028» ба имзо расид
Президенти Туркманистон бо Вазири корҳои хориҷии Тоҷикистон мулоқот намуд
Дар Теҳрон табодули таҷриба байни мутахассисони соҳаи тибби Тоҷикистон ва Эрон баррасӣ гардид
Сафири Тоҷикистон дар Кувайт бо раиси Гурӯҳи хадамоти ҳавопаймоии «Скай» мулоқот намуд
Дар Душанбе аҳаммияти ҳамкории байналмилалӣ барои таъмини рушди устувор баррасӣ гардид
Намояндаи доимии Тоҷикистон бо мудири кулли Дафтари СММ дар Вена мулоқот намуд
