Фаъолияти гурӯҳҳои дӯстии байнипарлумонии Тоҷикистон ва Эрон тақвият меёбад
ДУШАНБЕ, 13.09.2019/АМИТ «Ховар»/. Амалисозии ташаббусҳои созандаи Сарони давлатҳои Тоҷикистон ва Эронро Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев зимни мулоқот бо Сафири Фавқулода ва Мухтори Ҷумҳурии Исломии Эрон дар Ҷумҳурии Тоҷикистон Муҳаммадтақии Собирӣ вазифаи аввалиндараҷа арзёбӣ намуда, густариши робитаҳои мутақобилан судманди байнипарлумониро барои рушди фазои ҳуқуқии ҳамкории гуногунсоҳа зарур шуморидааст. Раиси Маҷлиси миллӣ гуфтааст, ки бояд фаъолияти гурӯҳҳои дӯстии байнипарлумонии Тоҷикистону Эрон тақвият дода шавад.
Бо дахли татбиқи созишномаҳову қарордодҳои баимзорасидаи байни ду давлат Раиси палатаи болоии Парлумони Тоҷикистон гуфтааст, ки барои густариши бемайлони робитаҳои иқтисодию тиҷоратӣ, алалхусус барои ҷалби сармояи эронӣ дар саноатикунонии мамлакат бояд саъю талош кард.
Назар ба иттилои ёвари Раиси Маҷлиси миллӣ Наврӯз Қурбонзода, мусоҳибон ҳамзамон масоили гуногуни амнияти минтақавӣ ва вусъати ҳамкориро дар соҳаҳои мухталифи гуманитарӣ матраҳ намуданд.
Сафири Фавқулода ва Мухтори Ҷумҳурии Исломии Эрон дар Ҷумҳурии Тоҷикистон Муҳаммадтақии Собирӣ паёми шодбошӣ ва даъвати Раиси Маҷлиси Шӯрои исломии Ҷумҳурии исломии Эрон Алии Лориҷониро ба унвони Раиси Маҷлиси миллӣ бобати дар вақти барояшон мувофиқ анҷом додани сафари расмӣ ба Теҳрон баён кард. Дипломати эронӣ зикр намуд, ки дар давраи фаъолияти худ ба ҳайси Сафир бо ҷалбу сафарбарии имкониятҳои мавҷуда дар татбиқи масъалаҳои матраҳгардида ва тавсеаи муносибатҳои ҳар ду давлати дӯст саҳми арзанда хоҳад гузошт.
Мулоқот дар фазои ҳусни тафоҳум ва созанда анҷом пазируфт.
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Президенти Ҷумҳурии Узбекистон Шавкат Мирзиёев Рустами Эмомалиро бо ордени «Барои хизмати фидокорона» сарфароз гардониданд
Мулоқоти Рустами Эмомалӣ бо Президенти Ҷумҳурии Узбекистон Шавкат Мирзиёев
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ аз Маркази тамаддуни исломӣ дар шаҳри Тошканд боздид намуданд
Рустами Эмомалӣ бо Раиси Сенати Олий Мажлиси Ҷумҳурии Узбекистон Танзила Нарбаева мулоқот намуданд
Рустами Эмомалӣ дар Тошканд бо Нақшаи генералии лоиҳаи шаҳрсозии «Тошканди нав» шинос шуданд
Рустами Эмомалӣ дар назди муҷассамаи Истиқлолият дар боғи «Узбекистони Нав» гулчанбар гузоштанд
Сафари расмии Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ба Ҷумҳурии Узбекистон
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Доир ба рушди манбаъҳои барқароршавандаи энергия дар Тоҷикистон ҳамоиш баргузор гардид
