Хадамоти давлатии оташнишонӣ баҳри пешгирӣ аз сӯхтор машқҳои тактикӣ гузаронид

Сентябрь 30, 2019 10:18

 ДУШАНБЕ, 30.09.2019./АМИТ «Ховар»/. Сарраёсати Хадамоти давлатии оташнишонии Вазорати корҳои дохилии  Ҷумҳурии Тоҷикистон тибқи нақшаи муштарак бо Корхонаи воҳиди давлатии «Роҳи оҳани тоҷик» дар истгоҳи Душанбе 2, воқеъ дар ноҳияи Рӯдакӣ  бо мақсади пурзӯр намудани корҳои бехатарӣ аз сӯхтор дар мавсими тирамоҳу зимистон  машғулияти тактикӣ гузаронид.

Тавре  аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд,
аз рӯи сенарияи тарҳрезишудаи ин машғулияти  тактикӣ гӯё дар яке аз систернаҳои мавҷудаи  сӯзишворӣ дар роҳи 3-юми Истгоҳи роҳи оҳани Душанбе-2  сӯхтор ба амал омадааст. Навбатдори истгоҳ бо қабули хабари сӯхтор  дар як маврид ба хадамоти таъҷилии дахлдор ва роҳбарияту мутасаддиёни КВД «Роҳ оҳани тоҷик» хабар расонида, ба ҷои ҳодиса қатораи махсуси оташнишонӣ  даъват намуд. Бо эълон гардидани бонги хатар оид ба  ҳодисаи сӯхтор дружинаи идоравии оташнишонии истгоҳи мазкур  ва дигар кормандони масъули он тибқи нақшаи қаблан тарҳрезишуда, фавран  систернаи оташгирифтаро аз дигар систернаҳо ҷудо намуда, ба масофаи бехатар бурданд. Ҳамзамон бо воситаҳои аввалиндараҷаи оташнишонии дар ихтиёрдоштаашон ба хомӯш намудани сӯхтори шартӣ дастаҷамъона шурӯъ намуданд. Дар ин замон  қатораи оташнишонӣ бо басти навбатдор, кормандони милитсияи нақлиётӣ, ёрии таъҷилии тиббӣ ва кормандони барқ низ ба маҳалли ҳодиса ҳозир шуда,  ба бартарафсозии ҳодисаи сӯхтор, расонидани ёрии аввалини тиббӣ ба ҷароҳатбардоштагон, таъмини ҳифзи тартиботи ҷамъиятӣ ва иҷрои дигар  чораҳои зарурӣ дар маҳалли ҳодиса сафарбар карда шуданд.

Сарраёсати Хадамоти давлатии оташнишонии ВКД Ҷумҳурии Тоҷикистон баҳри пешгирӣ  ва сари вақт хомӯш намудани ҳодисаҳои сӯхтор дар анборҳои муттаҳидаи Вазорати мудофиаи Ҷумҳурии Тоҷикистон, воқеъ дар Раёсати қувваҳои ҳарбӣ-ҳавоӣ ва мудофиаи зиддиҳавоӣ дар суроғаи шаҳраки Навободи ноҳияи Рӯдакӣ низ  машқи тактикӣ — оташнишонӣ бо истифода аз чор адад  мошинҳои  оташнишонӣ  гузаронид.

Тибқи иттилои манбаъ, аз рӯи нақша,  гӯё анборҳои мазкур дар масоҳати зиёда аз сесад метри мураббаъ оташ гирифтаанд. Дастаи идоравии оташнишонии номбурда фавран оид ба  сӯхтори шартӣ ба Хадамоти давлатии оташнишонии ноҳияи Рӯдакӣ хабар дод. Оташнишонон аз рӯи уҳдадориҳои вазифавии хеш   аввалан  ба таҳлияи муташаккилонаи одамон ва молу ашёи дохили анборҳо бо истифода аз воситаҳои аввалиндараҷаи сӯхторхомушкунӣ  шурӯъ намуданд.

Кормандони тиб  низ маҳорати баланди касбӣ зоҳир намуда, ба нафарони эҳтиёҷманди дар ин сӯхтор қарордошта  ёрии таъҷилӣ расониданд. Зимни хомӯш намудани сӯхтор оташнишонон дар якҷоягӣ бо дастаҳои зикргардида  маҳорати баланди касбӣ  нишон дода,  сӯхторро дар масоҳати аввалааш бо истифода аз гидранту мотопомпа пурра хомӯш намуданд.

Ёдовар мешавем, ки Сарраёсати Хадамоти давлатии оташнишонии Вазорати корҳои дохилии  Ҷумҳурии Тоҷикистон пайваста дар макони ҷойгиршавии корхонаву муассисаҳо  дар якҷоягӣ бо сохтори марбутаи онҳо  машғулиятҳои амалии тактикӣ — оташнишонӣ  баргузор менамояд.

Сентябрь 30, 2019 10:18

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд