Кумитаи рушди маҳали Тоҷикистон маҳалла ва кӯчаи беҳтарини шаҳри Душанберо муайян намуд

Сентябрь 26, 2019 15:05

ДУШАНБЕ, 25.09.2019 АМИТ «Ховар»/. 25 сентябр дар Кумитаи рушди маҳали назди Президенти  Ҷумҳурии Тоҷикистон  озмуни «Маҳаллаи беҳтарин» ва «Кӯчаи беҳтарин» ҷамъбаст гардид.

Тавре ки қаблан иттилоъ додем, бо ташаббуси Кумитаи рушди маҳал ҷиҳати таҷлили сазовори ҷашни 30 – солагии Истиқлолияти давлатии Ҷумҳурии Тоҷикистон дар чор ноҳияи шаҳр озмуни «Маҳаллаи беҳтарин» ва «Кӯчаи беҳтарин» баргузор гардид.

Дар ҷараёни баргузории озмун муайян гардид, ки дар маҳалла ва кӯчаҳои шаҳри Душанбе корҳои ободонию созандагӣ ба роҳ монда шуда, нисбат ба солҳои гузашта шинонидани дарахтон, гулу буттаҳо ва майсазор зиёдтар ба назар мерасад. Инчунин намои хонаҳои истиқоматӣ, ҳолати тозагии кӯчаҳо ва нуқтаҳои партовпартоӣ беҳтар шудааст.

Дар озмуни «Маҳаллаи беҳтарин» ҷои якум насиби маҳаллаи «Дӯстии халқҳо»-и  ноҳияи Шоҳмансур гардида, ҷои дуюмро маҳаллаи “Хуҷандӣ”-и ноҳияи Сино гирифт ва ҷои сеюм ба маҳаллаи “Фирдавсӣ”-и ноҳияи Исмоили Сомонӣ дода шуд.

Дар озмуни «Кӯчаи беҳтарин» ғолиби ҷои якум кӯчаи Ҷаббор Расулови ноҳияи Сино гардид. Ҷои дуюму сеюм мутаносибан ба  кӯчаҳои Аҳмади Дониши ноҳияи Шоҳмансур ва кӯчаи Соҳилии ноҳияи Исмоили Сомонӣ дода шуд.

Ғолибони ҷойи аввал бо шаш ҳазор сомонӣ ва Дипломи дараҷаи 1-и  Мақомоти иҷроияи шаҳри Душанбе, ҷои дуюм бо Дипломи дараҷаи  2 ва 4 ҳазор сомонӣ ва барандаи ҷои сеюм бо Дипломи дараҷаи се ва 2 ҳазор сомонӣ   қадрдонӣ гардиданд.

Мақомоти иҷроияи ҳокимияти давлатии шаҳри Душанбе ҷиҳати боз ҳам вусъат бахшидани корҳои ободонию созандагӣ ва дар сатҳи баланд баргузор намудани озмунҳои мазкур солҳои оянда тамоми тадбирҳои заруриро роҳандозӣ менамояд.

Озмуни мазкур солҳои 2020 ва 2021 низ гузаронида шуда, дар арафаи таҷлили ҷашни 30-солагии Истиқлолияти давлатӣ ҷамъбаст карда мешаванд.

Сентябрь 26, 2019 15:05

Хабарҳои дигари ин бахш

«ОМАД ХУҶАСТА МЕҲРГОН…». Дар Душанбе Иди Меҳргон бо шукӯҳи хосса таҷлил мегардад
ДУШАНБЕРО ОЗОДА НИГОҲ МЕДОРЕМ! Дар ҳудуди пойтахт 36 маротиба иқдоми «Тозагии соҳил» ва 29 маротиба «Тозагии маҳал» гузаронида шуд
Бо дастгирии Раиси шаҳри Душанбе мураббиёну омӯзгорони муассисаҳои таълимии пойтахт бо мукофоти пулӣ қадрдонӣ шуданд
Дар Душанбе иҷлосияи Маҷлиси вакилони халқи пойтахт доир гардид
«ДУШАНБЕ-ШАҲРИ ИМКОНОТИ РУШДИ САЙЁҲИИ УСТУВОР». Таҳти чунин унвон Рӯзи ҷаҳонии сайёҳӣ таҷлил гардид
ОСОРХОНАИ ТАЪРИХИИ ШАҲРИ ДУШАНБЕ. Ҳафт калиди тиллоии рамзии он ишора ба ҳафт шаҳри қаламрави имрӯзаи Тоҷикистон аст
Дар Душанбе 400 адад автобусҳои истеҳсоли муштараки Туркия ва Тоҷикистон ба сокинон хизмат мерасонанд
РӮЗИ ЗАБОНИ ДАВЛАТӢ. Дар Душанбе корҳои омодагӣ барои дар сатҳи баланд таҷлил намудани он оғоз шуданд
ТАВАҶҶУҲ! Аз буриши кӯчаи А.Навоӣ то роҳи дусатҳаи хиёбони Н.Махсуми пойтахт ҳаракати ҳама гуна воситаи нақлиёт муваққатан қатъ мегардад
ТАВАҶҶУҲ! Ҳаракати воситаҳои нақлиёт аз канали дериватсионии хиёбони Рӯдакӣ то хиёбони Ҳ. Шерозӣ манъ мегардад
Иҷлосияи ёздаҳуми Маҷлиси вакилони халқи шаҳри Душанбе, даъвати шашум баргузор мешавад
Дар Душанбе низоми пардохти электронии роҳкироро баррасӣ намуданд