Мануэл Загер: «Швейтсария беш аз 20 сол аст, ки шарики боэътимоди Тоҷикистон мебошад»
ДУШАНБЕ, 06.09.2019 /АМИТ «Ховар»/. Швейтсария давоми зиёда аз 20 соли охир шарики бениҳоят боэътимоди Ҷумҳурии Тоҷикистон мебошад. Ин нуктаро имрӯз Директори генералии Агентии Швейтсария оид ба рушд ва ҳамкорӣ Мануэл Загерро пас аз мулоқот бо Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба хабарнигорон иброз намуд.
Номбурда зикр намуд, ки зимни мулоқот бо Президенти Ҷумҳурии Тоҷикистон мо дар бораи дӯстии деринаи байни ду давлат суҳбат доштем. Дар мулоқот Президенти Ҷумҳурии Тоҷикистон муҳтарам Эмомалӣ Раҳмон минатдории мардуми Тоҷикистонро ба Ҷумҳурии Швейтсария барои дастгирие, ки давоми 20 соли охир пешниҳод шуда истодааст, баён намуданд.
Ҳамчунин Мануэл Загерро иброз намуд, ки зимни мулоқот мо бо Ҷаноби Олӣ муҳтарам Эмомалӣ Раҳмон масъалаҳои ҳамкорӣ дар соҳаҳои таъмини об ва беҳдошт, кам кардани сатҳи офатҳои табиӣ ва хусусан вобаста ба мушкилоти тағйирёбии иқлим, ки ин масъала ҳам барои Ҷумҳурии Тоҷикистон ва ҳам барои Ҷумҳурии Швейтсария имрӯз мушкилиҳо дорад, суҳбат доштем.
Инчунин зикр карда шуд, ки Агентии Швейтсария оид ба рушд ва ҳамкорӣ дар Ҷумҳурии Тоҷикистон солҳои тӯлонӣ ба ВМКБ барои амалисозии лоиҳаҳо дар ҷодаи таъмини аҳолӣ бо неруи барқ, инчунин оби ошомиданӣ кумак расонида истодааст.
Мануэл Загерро дар суҳбат бо хабарнигорон гуфт: «Аз истиқболи гарму самимӣ ва меҳмоннавозии сатҳи баланди мардуми шуҷои Тоҷикистон шодам ва ба онҳо миннатдорӣ баён менамоям».
Бояд зикр намуд, ки имрӯз, 6 сентябр дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Директори генералии Агентии Швейтсария оид ба рушд ва ҳамкорӣ Мануэл Загерро мулоқот доир намуданд.
Сироҷиддин Муҳриддин дар вохӯрии шашуми вазирони корҳои хориҷии қолаби «Осиёи Марказӣ — Чин» иштирок намуд
Ҳамкории Тоҷикистон бо Комиссияи иқтисодию иҷтимоии СММ барои Осиё ва Уқёнуси Ором баррасӣ гардид
Созмони Милали Муттаҳид (ЭСКАТО) қатъномаи Тоҷикистонро дар бораи ҳамкорӣ дар соҳаи об ва иқлим қабул кард
Президенти Пажуҳишгоҳи оби Туркия ба Конфронси байналмилалии сатҳи баланд оид ба ҳифзи пиряхҳо даъват шуд
Дар Алмато мулоқоти вазирони корҳои хориҷии Тоҷикистон ва Чин баргузор шуд
Директори генералии Созмони озуқаворӣ ва кишоварзии Созмони Милали Муттаҳид ба Тоҷикистон меояд
Сафири Тоҷикистон бо Ректори Донишгоҳи илмию технологии Амороти Муттаҳидаи Араб мулоқот намуд
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Имконоти сайёҳии Тоҷикистон дар Ҷумҳурии Корея муаррифӣ карда шуд
Тоҷикистон ва Арабистони Саудӣ оид ба омода намудани дипломатҳои ҷавон санад ба имзо расониданд
Сафири Тоҷикистон ба Подшоҳи Баҳрайн эътимодномаи худро супорид
Тоҷикистон ва Туркия содагардонии расмиёти раводидро баррасӣ намуданд
