ОБУ ҲАВО: имрӯз дар ноҳияҳои ҷанубӣ ва марказии Тоҷикистон чангу ғубор боқӣ мемонад

ДУШАНБЕ, 25.09.2019 /АМИТ «Ховар»/. Имрӯз, 25 сентябр дар ноҳияҳои ҷанубӣ ва марказии ҷумҳурӣ чангу ғубор боқӣ монда, дурии биниш дар роҳҳои нақлиётгард то 400-1000 метрро ташкил медиҳад. Дар ин бора Агентии обуҳавошиносии Тоҷикистон иттилоъ медиҳад.

Тавре аз Агентии обуҳавошиносӣ ба АМИТ «Ховар» хабар доданд, дар Вилояти Мухтори Кӯҳистони Бадахшон ҳавои камабр ва тағйирёбандаи бебориш дар назар аст. Шамол аз самти шарқ бо  суръати 0-5  метр дар як сония  мевазад. Ҳаво дар ғарби вилоят шабона 7+12 ва рӯзона 27+32 дараҷа  гарм мешавад. Дар шарқи вилоят  ҳаво шабона 2-7 дараҷа хунук ва рӯзона 14+19  дараҷа  гарм мешавад.

Дар вилояти Суғд ҳаво камабри бебориш шуда, шамол аз самти ғарб бо суръати 3-8 метр дар як сония  мевазад. Ҳаво дар водиҳо шабона 12+17 ва рӯзона 26-31 дараҷа гарм мешавад. Дар ноҳияҳои кӯҳӣ ҳаво шабона 5+10  ва   рӯзона  23-28  дараҷа гарм мешавад.

Дар вилояти Хатлон  ҳаво камабри  бебориш мешавад. Шамол аз самти ғарб бо суръати 2-7 метр дар як сония вазида, дар баъзе ноҳияҳо чангу ғубор боқӣ мемонад. Ҳаво дар водиҳо шабона 15+20 ва рӯзона 32+37  дараҷа гарм мешавад. Дар  доманакӯҳҳо ҳаво шабона 10+15 ва рӯзона 27+32  дараҷа гарм хоҳад шуд.

Дар шаҳру ноҳияҳои тобеи марказ ҳаво камабри бебориш шуда, шамол аз самти ғарб бо суръати 4-9 метр дар як сония  мевазад. Дар баъзе ноҳияҳо чангу ғубор боқӣ мемонад. Ҳарорати ҳаво дар водиҳо шабона 12+17, рӯзона 31+36 дараҷа гарм, дар ноҳияҳои кӯҳӣ шабона 8+13 ва рӯзона 26+31 дараҷа гарм мешавад.

Дар  шаҳри Душанбе ҳавои камабри бебориш шуда, чангу ғубор боқӣ мемонад. Шамол аз самти шарқ бо суръати 2-7 метр дар як сония мевазад. Ҳаво шабона 14+16 ва рӯзона 34+36 дараҷа  гарм мешавад.