OTOYOMEGATARI – ҚИССАИ АРӮСИ ҶАВОН. Дар Душанбе намоиши мангаи рассоми машҳури Япония баргузор мегардад

Сентябрь 7, 2019 09:00

ДУШАНБЕ, 07.09.2019. /АМИТ «Ховар»/. Бо дастгирии Сафорати Япония дар ҳамкорӣ бо Вазорати фарҳанг ва Вазорати корҳои хориҷии Ҷумҳурии Тоҷикистон аз 12 то 14 сентябр дар толори Намоишгоҳи санъати муосири Тоҷикистон, воқеъ дар ошёнаи 4-и бинои «Душанбе-Молл» намоиши мангаи  японӣ аз ҷониби рассом Каору Мори баргузор мешавад.  

Ҳаводорони санъати тасвирӣ метавонанд 1213 сентябр аз соати 10:00 то 20:00 ва 14 сентябр аз соати 10:00 то 13:00 аз намоиши мазкур дидан намоянд.

Ёдовар мешавем, ки манга (яп. 漫画, マンガ, [mã̠ŋɡa̠] )   — як навъи санъати тасвирӣ ва падидаи адабӣ буда, жанрҳои лирикӣ, мазҳакавию таърихӣ ва варзиширо дарбар мегирад. Манга аз соли 1945, пас аз Ҷанги дуюми ҷаҳонӣ ба рушд ёфтан шуруъ кард ва асосан аз солҳои 1950 инҷониб  ба  як  унсури асосӣ дар  соҳаи  нашри китоб дар  Япония табдил ёфт.

ДАР АКС: рассоми японӣ Каору Мори.

Имрӯз асарҳои марбут ба жанри мангаро одамони синну соли гуногун на танҳо дар худи Япония, балки дар саросари дунё мехонанд. Рассомонеро, ки манга меофаранд, мангак(мард) ва мангака (зан)меноманд.

Каору Мори, ки асарҳояш дар намоишгоҳи шаҳри Душанбе пешниҳоди ҳаводорони санъати тасвирӣ гардонида мешавад, яке аз мангакаҳои машҳури Япония вка ҷаҳон маҳсуб меёбад.   Ӯ 18 сентябри соли 1978 дар Токио ба дунё омадааст. Нахустин мангаҳои ӯ ба рӯзгори кадбонуҳои англис дар асри 19 бахшида шуда буданд ва номи муаллифро дар Аврупову Амрико шуҳравар  намуданд.  Соли 2002 мангаи ӯ «Эмма» дар Фестивали медиа-арти Япония соҳиби ҷои дуюм ва ҷоиза гардид.

Агар шумо, ханандагони арҷманд, ба ин навъи санъати рассомӣ рағбат доред, вале то ҳол мангаҳои Каору Мори, махсусан «Эмма», «Ширли» ва ё «Таърихи арӯси ҷавон» (Otoyomegatari)-ро надида ва ё нахонда бошед, пас ҳатман аз намоишгоҳим Душанбе дидан кунед. Кам рассомоне дар дунё вомехӯранд, ки бо чунин ҳассосият ва фарогирии комили деталҳо манга офаранд.

ДАР АКС: лаҳзае аз мангаи «Қиссаи арӯси ҷавон»-и Каору Мори.

 

Сентябрь 7, 2019 09:00

Хабарҳои дигари ин бахш

ЭҲЁ ВА РУШДИ ЗАБОНИ ДАВЛАТӢ ДАР ПАРТАВИ СИЁСАТИ ФАРҲАНГИИ ПЕШВОИ МИЛЛАТ. Ба Рӯзи забони давлатии Ҷумҳурии Тоҷикистон бахшида мешавад
Маросими ифтитоҳи расмии Бозиҳои XVI Делфӣ дар Театри давлатии академии опера ва балети Тоҷикистон доир мегардад
Бостоншиносон бори нахуст маданияти моддии Панҷакенти замони Сомониёнро таҳқиқ менамоянд
25 сентябр дар Академияи миллии илмҳо Рӯзи дарҳои кушода гузаронида мешавад
Дар ноҳияи Исмоили Сомонии шаҳри Душанбе Маркази хизматрасонии «Сад ранги чакан» ифтитоҳ ёфт
ҲАМЛАИ ТАҶОВУЗКОРОНАИ ҚИРҒИЗИСТОН. Жапаров дар иҷлоси СММ сухан гуфта, гумон кардааст аз минбари Жогорку Кенеши Қирғизистон ҳарф мезанад,- сармуҳаррири рӯзномаи «Ҷаҳони Паём»
Ба шарафи Рӯзи Рӯдакӣ дар Институти илмҳои гуманитарӣ конференсияи илмӣ-амалӣ баргузор шуд
Дар Душанбе бахшида ба Рӯзи Рӯдакӣ ҳамоиш баргузор мешавад
«ТОҶИКИСТОН — КИШВАРИ ДАРЁҲОИ ТИЛЛОӢ». Дар Осорхонаи таърихии вилояти Суғд шакли хурди намоиш ифтитоҳ ёфт
ҲАМЛАИ ТАҶОВУЗКОРОНАИ ҚИРҒИЗИСТОН. Марзбонони қирғиз борҳо санадҳои оташбасро дағалона вайрон намуда, гуноҳро ба сари неруҳои марзбони Тоҷикистон мезананд
ҲАМЛАИ ТАҶОВУЗКОРОНАИ ҚИРҒИЗИСТОН. «Баъзе аз намояндагони ин мардум «хати қирмизӣ»-и ҳамсоядориро кайҳо дағалона убур карда буданд»- муовини Сармуҳаррири рӯзномаи «Садои мардум»
«БИЁЕД, БА ОТАШИ ХОНУМОНСӮЗИ ҶАНГ ДОМАН НАЗАНЕМ!». Муроҷиати Раёсати Иттифоқи нависандагони Тоҷикистон