Озмуни «Шаҳрак ва деҳоти беҳтарин» дар вилоятҳо ва шаҳру ноҳияҳои ҷумҳурӣ шурӯъ шуд
ДУШАНБЕ, 24.09.2019 /АМИТ «Ховар/. Бо ташаббуси Кумитаи рушди маҳали назди Президенти Ҷумҳурии Тоҷикистон ҷиҳати таҷлили сазовори ҷашни 30 – солагии Истиқлолияти давлатии Ҷумҳурии Тоҷикистон дар вилоятҳо ва шаҳру ноҳияҳои ҷумҳурӣ озмуни «Шаҳрак ва деҳоти беҳтарин» гузаронида мешавад.
Дар ин робита ҳоло дар чор ноҳияи шаҳри Душанбе созандагию ободкориҳо ба роҳ монда шуда, талошҳо барои ба даст овардани ҷои аввал ҷараён доранд. Инчунин дар чор ноҳияи шаҳр озмуни “Маҳаллаи беҳтарин” ва “Кӯчаи беҳтарин” баргузор гардид.
Аъзои комиссияи озмуни мазкур аз маҳаллаи “Фирдавсӣ” ва кӯчаи ба номи “Мирсаид Миршакар”-и ноҳияи Исмоили Сомонӣ, маҳаллаи “Хуҷандӣ”, кӯчаи ба номи “Ҷаббор Расулов”-и ноҳияи Сино, маҳаллаи “Равшангарон” ва кӯчаи “Соҳилӣ”-и ноҳияи Фирдавсӣ, ҳамчунин маҳаллаи “Дӯстии халқҳо” ва кӯчаи “Аҳмади Дониш”-и ноҳияи Шоҳмансури шаҳри Душанбе дидан намуданд. Комиссияи босалоҳият аз мутахассисони соҳаҳои гуногун иборат буда, натиҷаи озмунро мавриди муҳокима қарор медиҳад ва рӯзҳои наздик натиҷаи онро эълон мекунад.
Ёдовар мешавем, ки озмуни мазкур бо мақсади иҷрои Амри Президенти Ҷумҳурии Тоҷикистон Эмомалӣ Раҳмон аз 6 марти соли 2019 дар бораи “Нақшаи чорабиниҳо бахшида ба “Солҳои рушди деҳот, сайёҳӣ ва ҳунарҳои мардумӣ» роҳандозӣ мегардад.
Чунин озмун дар дигар шаҳру навоҳии мамлакат, аз ҷумла дар шаҳри Бохтари вилояти Хатлон бахшида ба 28-умин солгарди Истиқлолияти давлатӣ баргузор гардид.
Бояд гуфт, ки озмуни мазкур дар сар то сари ҷумҳурӣ идома ёфта, ба рушди минбаъдаи деҳоти мамлакат мусоидат менамояд.
Низомномаи баргузории озмун аз ҷониби Кумитаи рушди маҳали назди Президенти Ҷумҳурии Тоҷикистон таҳия гардида, дар мувофиқа бо Роҳбари Дастгоҳи иҷроияи Президенти Ҷумҳурии Тоҷикистон ба мақомоти иҷроияи ҳокимияти давлатӣ ирсол гардидааст.
Озмуни мазкур ҳамасола дар маҷлисҳои солонаи мақомоти иҷроияи ҳокимияти давлатии вилоят, шаҳру ноҳияҳо ҷамъбаст гардида, ғолибон бо диплом ва маблағҳои пулӣ сарфароз мегарданд.
Озмуни «Шаҳрак ва деҳоти беҳтарин» солҳои 2019, 2020, 2021 гузаронида шуда, дар арафаи таҷлили ҷашни 30-солагии Истиқлолияти давлатӣ ҷамъбаст карда мешавад.
Дар ҳудуди шаҳри Гулистон сохтмони меҳмонхона ва осоишгоҳу марказҳои солимгардонӣ идома доранд
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Дар ВМКБ беш аз 1000 иншоот ба истиқболи 35-солагии Истиқлоли давлатӣ мавриди истифода қарор гирифт
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаҳои биноҳои истиқоматӣ бо маркази хизматрасонию тиҷоратӣ, таваққуфгоҳи нақлиётӣ, меҳмонхона ва майдончаи варзишии кӯдакон шинос шуданд
Сарвари давлат Эмомалӣ Раҳмон дар шаҳри Хоруғ китобхонаи кӯдаконаи вилоятӣ, китобхонаи шаҳрии ба номи Ҳофизи Шерозӣ ва Маркази рушди зеҳни сунъиро ифтитоҳ намуданд
Пешвои миллат Эмомалӣ Раҳмон дар шаҳри Хоруғ Маркази фарҳангӣ, савдо ва Шурои иттифоқҳои касабаи вилоятро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ чойхонаи Хатлонро ба истифода доданд
