Тоҷикистон ва Созмони Ҷаҳонии Гумрук ҳамкориро густариш медиҳанд
ДУШАНБЕ, 13.09.2019 /АМИТ «Ховар»/. Сафири Ҷумҳурии Тоҷикистон дар кишварҳои Бенилюкс, Намояндаи доимии Тоҷикистон дар назди Иттиҳоди Аврупо Эркинхон Раҳматуллозода бо Дабири кулли Созмони Ҷаҳонии Гумрук доктор Кунио Микурия мулоқот намуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни мулоқот Сафири Тоҷикистон ба ҳамкории пурсамари байни Созмон ва Тоҷикистон ишора намуда, ёдовар шуд, ки ҷонибҳо ҷиҳати тақвият бахшидани зарфиятҳои низоми гумрук дар Тоҷикистон ба ҳамкории минтақавӣ ва байналмилалии он мусоидат карданд.
Доктор Микурия андешаҳои ҷониби Тоҷикистонро идома дода, ҳамкории Хадамоти гумруки мамлакат ва Созмони Ҷаҳонии Гумрукро бо мисолҳои мушаххас тавсиф кард.
Ҷонибҳо ба баррасии дурнамои ин ҳамкорӣ пардохта, азми росихи худро дар амри тавсеа ва густариш бахшидани онҳо, бештар истифода намудани имкониятҳои Созмони Ҷаҳонии Гумрук дар амри бозомӯзии коршиносони Хадамоти гумрук, боло бурдани сатҳи касбии онҳо таъкид намуданд.
Дар фарҷоми мулоқот барномаи боздиди қарибулвуқӯи Дабири кулли Созмони Ҷаҳонии Гумрук доктор К. Микурия аз Тоҷикистон, мавзӯъҳои мавриди эҳтимоми тарафайн ва барномаҳои ҳамкорӣ мавриди гуфтугӯ ва ҳамоҳангӣ қарор гирифтанд.
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
Сафири Тоҷикистон дар Амрико бо Директори иҷроияи ширкати Mooney Group мулоқот кард
Дар Қоҳира масъалаи таҳкими ҳамкории Тоҷикистону Миср баррасӣ шуд
Имконияти ҳамкорӣ байни Тоҷикистон ва ширкати NVIDIA дар соҳаи зеҳни сунъӣ баррасӣ гардид
