Ҳайати ҷавонони Тоҷикистон ҷиҳати иштирок дар Форуми ҷавонон ба Ҳиндустон сафар кард
ДУШАНБЕ, 17.10.2019 /АМИТ «Ховар»/. Имрӯз ҳайати расмии ҷавонони Тоҷикистон ҷиҳати иштирок дар Форуми ҷавонони Ҳиндустону Тоҷикистон ба Ҷумҳурии Ҳиндустон сафар намуд. Тавре аз бахши таҳлилу иттилоотии Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд, ҳайати расмии ҷавонони Тоҷикистон аз 10 нафар иборат буда, онҳо дар доираи сафар дар як зумра барномаҳои илмию адабӣ, маърифатӣ, фарҳангӣ ва сайёҳӣ иштирок менамоянд.
Бояд гуфт, ки сафари мазкур дар доираи Ёдошти тафоҳум миёни Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Вазорати кор бо ҷавонон ва варзиши Ҳиндустон роҳандозӣ гардидааст.
Мақсади асосии форум густариш ва таҳкими муносибатҳои дӯстона байни Ҷумҳурии Тоҷикистон ва Ҳиндустон буда, ҷавонон метавонанд аз наздик бо расму оин ва урфу одатҳои ҳамдигар шинос гарданд.
Ёдовар мешавем, ки сафари гурӯҳи ҷавонони Ҳиндустон ба Тоҷикистон аз 21 то 27 сентябр сурат гирифта, дар ин муддат меҳмонон дар нахустин Форуми ҷавонони Тоҷикистону Ҳиндустон таҳти унвони «Дӯстии ҷавонони Тоҷикистону Ҳиндустон поянда бод» иштирок намуданд.
Форуми ҷавонони Ҳиндустону Тоҷикистон 18 октябр оғоз шуда, то 25 октябр идома меёбад.
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
