Дар болои дарёи Ванҷ боз як пули мошингузар бунёд мегардад
ХОРУҒ, 14.10.2019 /АМИТ «Ховар»/. Сокинони деҳаи Потоби Ҷамоати деҳоти Ҷовидони ноҳияи Ванҷ барои рафтуомад ба деҳаи ҳамсоя, ки ҳамагӣ 3 километр роҳро дар бар мегирад, ба сабаби мавҷуд набудани пули мошингард маҷбуран чанд деҳаро давр мезананд.
Сокини ин деҳа Ҳимматбек Сайфуллоев гуфт, ки «аксари муассисаҳои иҷтимоию тандурустӣ, аз ҷумла, роҳи мошингузар байни маркази ноҳияи Ванҷ ва деҳоти водии Ванҷи боло дар он тарафи соҳили рӯдхона ҷойгиранд. Аввали солҳои шастуми асри гузашта дар болои ин рӯдхона ба таври ҳашар пули пиёдагард сохта буданд, аммо бар асари обхезӣ ва боронгариҳо ин пул комилан хароб гардид. Дар фасли зимистон кӯдакон ҷон ба каф гирифта, аз болои пул ба таълимгоҳ мераванд. Барои интиқоли молу коло сокинони деҳа маҷбуранд аз пули мошингузари деҳаи ҳамсоя, ки 3 километр дур аст, истифода баранд».
Барои ҳалли ин мушкилӣ сокинони деҳа ба Дастгоҳи иҷроияи Президенти Ҷумҳурии Тоҷикистон муроҷиат намуда, ба дархости худ посухи мусбат гирифтанд. Бунёди пули мазкурро ба уҳдаи Вазорати нақлиёти ҷумҳурӣ гузоштаанд.
Ҷамияти масъулияташ маҳдуди «Аҳмадиён» бо ҷалби коргарони маҳаллӣ ба сохтмони ин пул оғоз кард. Устои роҳсоз Суҳбадор Ҷебаев гуфт, ки то имрӯз 90 фисади корҳои сохтмониро анҷом додаанд ва то даҳаи дуюми моҳи ноябр пули мазкурро ба истифода хоҳанд дод.
Ёдовар мешавем, ки дар се соли охир дар ноҳияи Ванҷ ду пули мошингузар ва як пули пиёдагард мавриди баҳрабардорӣ қарор гирифтанд.
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
