Дар Тошканд раисони Маҷлиси намояндагони Тоҷикистон ва Сенати Ӯзбекистон мулоқот намуданд
ДУШАНБЕ, 08.10.2019. /АМИТ «Ховар»/. 7 октябр дар шаҳри Тошканд Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров бо Раиси Сенати (Олий Мажлиси) Ҷумҳурии Ӯзбекистон Танзила Норбоева мулоқот намуд.
Тавре котиби матбуоти палатаи поёнии Парлумони Тоҷикистон Муҳаммадато Султонов ба мухбири АМИТ «Ховар» иттилоъ дод, дар ҷараёни мулоқот масъалаҳои таҳкими робитаҳои шарикии стратегӣ дар соҳаҳои калидии ҳамкории дуҷониба баррасӣ гардиданд.
Шукурҷон Зуҳуров Танзила Норбоеваро ба муносибати ҳамчун нахустин зан дар таърихи Ӯзбекистон ба ҳайси Раиси Сенати (Олий Мажлиси) Ӯзбекистон таъйин шуданаш табрик намуда, аз имконоти мавҷудаи ҳамкории вакилони ду ҷониб ёдовар шуд.
«Итминон дорем, ки дар муддати кӯтоҳ мо метавонем муносибатҳои байнипарлумонии Тоҷикистону Ӯзбекистонро ба сатҳи сифатан нав барорем ва ин равобит ҳам дар шакли дуҷониба ва ҳам дар доираи созмонҳои байналмилалии парлумонӣ рушд меёбанд», — афзуд мавсуф.
Зикр гардид, ки вохӯриҳои сатҳи олии президентҳои ду мамлакат дар Душанбе ва Тошканд заминаи нави ҳуқуқии ҳамкориро фароҳам оварда, таҳкими равобити дуҷониба дар ҳамаи соҳаҳо муҳим мебошад.
«Маҷмӯи санадҳои байнидавлатӣ, байниҳукуматӣ ва байниидоравии баимзорасида, ки қариб 170 ададро ташкил медиҳад, имконияти васеъро ҷиҳати амалисозии пурраи тиҷоративу иқтисодӣ, нақлиётӣ — коммуникатсионӣ ва тақвияти мубодилаи фарҳангиву башардӯстона фароҳам меорад», — афзуд Шукурҷон Зуҳуров.
Бояд гуфт, ки созишномаҳои баимзорасида дар ҳоли амалкард қарор дошта, ҳарду мамлакат раводидро то 30 рӯз бекор, парвозҳоро барқарор ва ҳамкории тиҷоративу иқтисодиро амиқтар карданд.
Ҳамаи ин муваффақиятҳо,- гуфт Шукурҷон Зуҳуров, бешубҳа, аз хирадмандии Сарони давлатҳои мо — муҳтарам Эмомалӣ Раҳмон ва муҳтарам Шавкат Мирзиёев шаҳодат медиҳанд.
«Ҳарду ҷониб изҳори итминон намуданд, ки дар шароити рушди ҳамкории бисёрҷонибаи мутақобилан судманди Тоҷикистону Ӯзбекистон муносибатҳои байнипарлумонӣ низ бо мазмун ва мундариҷаи нав густариш хоҳанд ёфт», — афзуд манбаъ.
Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Ҷумҳурии Узбекистон мулоқот намуд
Вакилони Маҷлиси намояндагони Тоҷикистон дар ҷаласаи муштараки комиссияҳои доимии Ассамблеяи байнипарлумонии ИДМ иштирок намуданд
Ба Қонуни Ҷумҳурии Тоҷикистон «Дар бораи пешгирии зӯроварӣ дар оила» тағйиру иловаҳо ворид карда шуд
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Муовини Раиси Маҷлиси намояндагон бо Роҳбари Хазинаи кӯдакони Созмони Милали Муттаҳид дар Тоҷикистон мулоқот намуд
Дар Душанбе мулоқоти вакилони Парлумони Тоҷикистон бо намояндагони Туркманистон баргузор шуд
Вакили Парлумон дар ҷаласаи комиссияи назоратию буҷетии Ассамблеяи байнипарлумонии Иттиҳоди Давлатҳои Мустақил ба таври фосилавӣ иштирок намуд
Раиси Маҷлиси намояндагони Маҷлиси Олии Ҷумҳурии Тоҷикистон бо Пешвои миллии халқи туркман-Раиси Халқ Маслиҳатии Туркманистон мулоқот анҷом дод
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Пешвои миллии халқи туркман, Раиси Халқ Маслиҳатии Туркманистон Гурбонгулӣ Бердимуҳамедов мулоқот намуданд
Ҷаласаи Шурои коршиносон оид ба экология ва идоракунии захираҳои табиӣ дар Ассамблеяи байнипарлумонии мамлакатҳои Иттиҳоди Давлатҳои Мустақил доир шуд
ҲАМОВОЗӢ. Дар Парлумон оид ба мулоқоти Президенти Тоҷикистон бо фаъолон, намояндагони ҷомеа ва ходимони дин ҳамоиш доир гардид
ФАЗОИ ДИНӢ ВА ТАҲДИДУ ХАТАРҲОИ МУОСИР. Ҳамовозӣ ба мулоқоти Президенти Тоҷикистон бо фаъолон, намояндагони ҷомеа ва ходимони дин
