Муовини Дабири кулли Кувайт ва ҳайати фарҳангии ин давлат аз Осорхонаи миллии Тоҷикистон боздид намуданд

Октябрь 17, 2019 10:10

ДУШАНБЕ, 17.10.2019 /АМИТ «Ховар»/. 16 октябр муовини Дабири кулли Шӯрои миллии фарҳанг, адабиёт ва санъати Давлати Кувайт Бадр ал-Дувайшӣ ва ҳайати фарҳангии ин давлат аз Осорхонаи миллии Тоҷикистон  боздид намуданд.

Меҳмононро шахсони масъули Осорхонаи миллии Тоҷикистон истиқбол намуда, ба онҳо дар сатҳи баланди касбӣ бо забони арабӣ сайри осорхонавӣ гузаронида шуд.

Сайри осорхонави меҳмонон аз харитаи «Ёдгориҳои таърихии Тоҷикистон» оғоз гардида, бо тамошои дигар толорҳои намоиши Осорхона, аз қабили «Асри санг», «Саразм», «Оини Зардуштӣ», «Ҳахоманишиҳо», «Юнону Бохтар», «Кушониён», «Сосониён», «Панҷакенти қадим», «Бунҷикат», «Фарҳанги исломӣ», «Дайри Буддоии Аҷинатеппа» ва «Сомониён» гузаронида шуд.

Яке аз муҳимтарин нигораҳои Осорхонаи миллии Тоҷикистон бо номи «Меҳроби Искодар» таваҷҷуҳи меҳмононро ба худ бештар ҷалб намуд, ки бузургтарин меҳроби чӯбини олам мебошад.

 Зикр гардид, ки «Меҳроби Искодар» мансуб ба асрҳои IХ-Х буда, аз чӯби тӯс ва бе истифода аз меху ширеш сохта шудааст.

Ҳамчунин экспозитсияи Осорхонаи миллии Тоҷикистон, ки ҳунармандӣ, либоспӯшӣ, тарзи зисти одамон, заргарӣ, кулолгарӣ, кандакорӣ дар рӯи чӯб, хушнависӣ, мисгарӣ, хосса тарзи зисту зиндагонии тоҷиконро дар давраҳои гуногуни таърих таҷассум мекунад, ба меҳмонон писанд омад.

Муовини Дабири кулли Шӯрои миллии фарҳанг, адабиёт ва санъати Давлати Кувайт Бадр ал-Дувайшӣ аз боздиди толорҳои намоишии Осорхонаи миллии Тоҷикистон изҳори хушҳолӣ намуда, чун анъана дар китоби «Меҳмонони фахрӣ»-и Осорхонаи миллии Тоҷикистон таассуроти хешро дарҷ намуд.

Ёдовар мешавем, ки сафари муовини Дабири кулли Шӯрои миллии фарҳанг, адабиёт ва санъати Давлати Кувайт Бадр ал-Дувайшӣ ва ҳайати расмии ин давлат дар доираи баргузории Рӯзҳои фарҳанги Давлати Кувайт дар Ҷумҳурии Тоҷикистон то 18 октябр идома меёбад.

Октябрь 17, 2019 10:10

Хабарҳои дигари ин бахш

Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад
ШАБОҲАТИ ОИНҲОИ НАВРӮЗӢ ДАР ДАВЛАТҲОИ АВРУПО. Наврӯз ҳоло ба ҷузъи тамаддуни башарӣ табдил ёфтааст