Муовини якуми Сарвазири Тоҷикистон Давлаталӣ Саид бо муовини Сарвазири Шӯрои давлатии Чин Ху Чунхуа мулоқот намуд

 ДУШАНБЕ, 15.10.2019 /АМИТ «Ховар»/. 14 октябр дар шаҳри Пекин муовини якуми Сарвазири Ҷумҳурии Тоҷикистон Давлаталӣ Саид дар доираи иштирок дар Ҳафтумин Форуми ҳамкории Чин-Осиёи Марказӣ бо муовини Сарвазири Ҷумҳурии Мардумии Чин Ху Чунхуа вохӯрӣ намуд.

Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, зимни вохӯрӣ маҷмӯи масъалаҳои густариши муносибатҳои дуҷониба ва шарикии ҳамаҷонибаи стратегии Тоҷикистону Чин, аз ҷумла таъмиқи ҳамкорӣ дар доираи «Камарбанд ва роҳ» муҳокима гардиданд.

Ҷонибҳо ба татбиқи минбаъдаи мувофиқаҳои дар сатҳи олӣ бадастомада аҳамияти хоса дода, таҳкиму густариш ёфтани ҳамкории амалии Тоҷикистону Чинро дар соҳаҳои тиҷоратӣ-иқтисодӣ, сармоягузорӣ, молиявӣ, нақлиёт ва коммуникатсия, энергетика, саноат, кишоварзӣ ва сайёҳӣ, татбиқи лоиҳаҳои ҳамкории дар баррасии ҳарду ҷониб қарордошта муҳим арзёбӣ намуданд.

АКС: ВКХ ҶТ