Раиси вилояти Суғд бо намояндагони ҶСК «AzerGold»-и Озарбойҷон мулоқот намуд

Октябрь 29, 2019 10:50

ДУШАНБЕ, 29.10.2019. /АМИТ «Ховар»/. 28 октябр Раиси вилояти Суғд Раҷаббой Аҳмадзода намояндагони Ҷамъияти саҳҳомии кушодаи (ҶСК) «AzerGold»-и Ҷумҳурии Озарбойҷон Уктам Махмедов ва Шаҳобиддин Мӯсоевро ба ҳузур пазируфт. Дар ин бора аз хадамоти матбуоти Раиси вилояти Суғд ба АМИТ «Ховар» иттилоъ доданд.

Раиси вилоят зимни суҳбат иброз дошт, ки дар Тоҷикистон бо роҳбарии Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон ба рушди соҳаи саноат таваҷҷуҳи хосса зоҳир гардида, саноатикунонии босуръати мамлакат ҳадафи стратегӣ эълон шудааст.

Зикр гардид, ки дар Тоҷикистон захираҳои бузурги маъдани нуқраву тилло, сурбу руҳ, сурма ва дигар металлҳо мавҷуд буда, ба рушди соҳаи саноати кӯҳӣ ҳамчун соҳаи афзалиятнок диққати махсус зоҳир мешавад.

Ҳамчунин Р. Аҳмадзода иброз намуд, ки дар вилояти Суғд дар самти истихроҷу коркарди маъданҳои кӯҳӣ якчанд корхонаҳои муштарак фаъолият дошта, дар рушди иқтисодиёти вилояту ҷумҳурӣ саҳми арзанда мегузоранд.

Меҳмонон зимни мулоқот миннатдории худро барои истиқболи самимӣ баён дошта, ҳавасмандии хешро барои густариши робитаҳо изҳор намуданд.

Таъкид карда шуд, ки ҶСК «AzerGold» минбаъд бо корхонаи «Апрелевка» ҳамкорӣ ба роҳ мемонад.

Ҷонибҳо пас аз шиносоӣ бо самти фаъолияти корхонаҳо бо ҳавасмандии зиёд дурнамои ҳамкориро баррасӣ намуданд.

Бояд гуфт, ки ҶСК «AzerGold» яке аз корхонаҳои бузурги саноатӣ буда, ба истихроҷу коркарди маъданҳои кӯҳӣ машғул аст.

Октябрь 29, 2019 10:50

Хабарҳои дигари ин бахш

Дар се моҳи аввали соли 2022 дар Тоҷикистон ба масоҳати 250,4 ҳазор метри мураббаъ хонаҳои истиқоматӣ сохта шуданд
Масъалаи таъсиси Фонди байналмилалии ҳифзи пиряхҳо дар Тоҷикистон мавриди баррасӣ қарор гирифт
Дар Тошканд электробус ва электротроллейбуси «Акиа Авесто»-и Тоҷикистон таваҷҷуҳи ширкатҳои хориҷиро ба худ ҷалб намуданд
Намояндагони ширкатҳои сайёҳии Узбекистон аз маконҳои сайёҳии вилояти Суғд дидан менамоянд
ПАНҶСОЛАИ РУШДИ САНОАТ. Дар шаҳри Гулистон як зумра корхонаҳои саноатӣ бунёд мегарданд
Дар Тоҷикистон баҳри нест кардани малах корҳои кимиёвӣ ҷараён доранд
Ҷаласаи XVIII гурӯҳи корӣ оид ба таҳияи стандартҳои назорати давлатии молиявии мақомоти олии аудити давлатҳои аъзои ИДМ баргузор шуд
Тоҷиддин Ҷӯразода ва Абдулло Шаҳид дар Ню-Йорк вазъ ва дурнамои рушди сайёҳии Тоҷикистонро баррасӣ намуданд
Дар Тоҷикистон беш аз 70 намуд хизматрасониҳои давлатӣ дар соҳаи андоз дар шакли электронӣ ба роҳ монда шудаанд
Дар Душанбе масъалаи тақвият бахшидани ҳамкорӣ миёни Тоҷикистон ва Чин мавриди баррасӣ қарор гирифт
Дар ҷаласаи ситоди вилоятии Хатлон масъалаи содироти маҳсулоти кишоварзӣ баррасӣ шуд
МАСЛИҲАТИ МУТАХАССИС. Ҷомеаи ҷаҳон бояд ба оқибатҳои тағйирёбии иқлим мутобиқ гардонида шавад