Ба шарафи Рӯзи Президент дар ноҳияи Рашт 10 иншоот ба истифода дода шуд

Ноябрь 16, 2019 12:52

РАШТ, 16.11.2019 /АМИТ «Ховар»/. Ба муносибати таҷлили Рӯзи Президенти Ҷумҳурии Тоҷикистон ва 27-солагии Иҷлосияи 16-уми Шӯрои Олӣ дар ноҳияи Рашт бо иштироки  сокинону меҳмонон 10 иншооти таъйиноти гуногун ба истифода дода шуд.

Тибқи иттилои  мутахассисони идораи меъмории ноҳияи Рашт, бинои иловагӣ дар назди муассисаи таҳсилоти миёнаи умумии  деҳаи Шаҳрисабзи Ҷамоати деҳоти Нусратулло Махсум аз ҳисоби шахсони саховатпеша,  10 синфхонаи иловагӣ дар назди муассисаи таҳсилоти миёнаи умумии деҳаи Тагобаи Ҷамоати деҳоти Тагоба ва  бинои иловагӣ дар назди муассисаи таҳсилоти миёнаи умумии деҳаи Қазноқи Ҷамоати деҳоти Нусратулло Махсум аз ҳисоби  мақомоти иҷроияи ҳокимияти давлатии ноҳия, бунгоҳи тиббӣ дар деҳаи Амирбеки Ҷамоати деҳоти Қалъаи Сурх аз тарафи соҳибкорон ва саҳми аҳолӣ, бунгоҳи тиббӣ дар деҳаи Варзигони Ҷамоати деҳоти Боқӣ Раҳимзода аз тарафи соҳибкорон ва саҳми аҳолӣ, 3 хонаи истиқоматӣ барои оилаҳои маъюб аз тарафи соҳибкори саховатпеша Муҳиб Бобоҷонов,  майдончаи варзишӣ дар ҷамоати шаҳраки Ғарм аз тарафи Федератсияи футболи Ҷумҳурии Тоҷикистон ва майдончаи варзишӣ дар деҳаи Шулонаки Ҷамоати деҳоти Қалъаи Сурх аз тарафи соҳибкорон ва саҳми аҳолӣ мавриди баҳрабардорӣ қарор гирифтанд.

Се бинои иловагии муассисаҳои таълмии мазкур дорои 560 ҷойи нишаст дар як баст, кабинетҳои фаннӣ, аз ҷумла кабинети физика, химия, биология ва таҷҳизоту дастгоҳҳои муосири илмомӯзию касбомӯзӣ мебошанд.

Дар ноҳияи Рашт корҳои ободонию созандагӣ бахшида ба таҷлили ҷашни 30 солагии Истиқлолияти давлатии Ҷумҳурии Тоҷикистон, инчунин Солҳои рушди деҳот, сайёҳӣ ва ҳунарҳои мардумӣ вусъати тоза касб намуда, бо маром ҷараён доранд.

Нақшаи чорабиниҳои таҳиянамудаи ноҳия дар ин самт аз 274 банд иборат буда, аз ин 19 банд ба чорабиниҳои сиёсию фарҳангӣ ва 255  банд ба бунёди сохтмони иншоот тааллуқ дорад. То ҳол 148  иншоот мавриди истифода қарор дода шуда, дар 54 иншооти дигар корҳои сохтмонӣ идома доранд.

Аз шумораи  255 иншооти ба нақша гирифташуда 52 иншоот ба соҳаи маориф, 27 иншоот ба соҳаи варзиш, 36 иншоот оид ба таъмир ва барқарорсозии роҳҳо, 19 иншоот ба сохтмони биноҳои маъмурӣ ва фарҳангӣ, 22 иншоот ба хатҳои оби нўшокӣ ва чоҳҳои амудӣ, 44 иншоот ба биноҳои маркази савдо, меҳмонхона, таваққуфгоҳ, нуқтаҳои хизматрасонии техникию фурўши сўзишворӣ, аз ҷумла 12 адад ба корхонаҳои нави истеҳсолӣ, 14 иншоот ба соҳаи тандурустӣ, 10 иншоот ба соҳаи кишоварзӣ, 26 иншоот соҳаи иҷтимоӣ  ва 4 лоиҳа ба соҳаи барқтаъминкунӣ тааллуқ доранд.

Ноябрь 16, 2019 12:52

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст