«Бар фарози қуллаҳо»-таҳти ин унвон асари таърихӣ ва фарҳангию адабӣ ба нашр расид

Ноябрь 9, 2019 09:20

ДУШАНБЕ, 09.11.2019. /АМИТ «Ховар»/. Ба ифтихори 30-солагии Истиқлолияти давлатии Тоҷикистон китоби Раҷабалӣ Қудратзода «Бар фарози қуллаҳо» ба табъ расид.

Муаллиф дар китоб маҷмӯи мақолаҳои адабӣ-публитсистиро дар бораи истиқлолият, Ваҳдати миллӣ, шукӯҳу азамати Неругоҳи барқии Роғун, Наврӯзи Аҷам, инчунин қаҳрамониҳои ниёгони мо, аз ҷумла давлати Сомониён дар роҳи озодиву соҳибдавлатӣ дарҷ намудааст.

Дар китоб силсиламақолаҳо зери унвони «Ёдҳо ва хотираҳо» ҷой дода шудаанд, ки хонандагон бо рӯзгори ибратомӯз ва осори безаволи қаҳрамонони Тоҷикистон Устод Айнӣ, Бобоҷон Ғафуров ва Мирзо Турсунзода шинос мегарданд.

Ҳамчунин лаҳзаҳои ҷолиби ҳаёт ва эҷодиёти адибону донишмандон, назири устод Лоҳутӣ, Саид Нафисӣ, Саҳбо, Туғрал, Ҳайрат, академик Зариф Раҷабов, Абдусалом Деҳотӣ, Боқӣ Раҳимзода, Раҳимӣ, Зеҳнӣ, Ҳабибулло Назаров мавриди тасвир қарор гирифтаанд.

Академики Академияи таҳсилоти Тоҷикистон Маҳмадулло Лутфуллозода ва Нависандаи халқии Тоҷикистон устод Ӯрун Кӯҳзод дар сарсухани китоб онро армуғони сазовори Истиқлолият дониста, иброз намудаанд, ки «Китоби Раҷабалӣ Қудратзода «Бар фарози қуллаҳо» асари таърихӣ, фарҳангию адабӣ, илмию оммавӣ буда, аҳамияти муҳими тарбиявӣ дорад. Он ба торҳои нозуки эҳсос нохун зада, хотираи таърихиро меафзояд, дар қалбҳо ҳисси ватандӯстӣ, хештаншиносӣ ва ваҳдату ифтихори миллиро бедор менамояд».

Ноябрь 9, 2019 09:20

Хабарҳои дигари ин бахш

ОМАДАНАШ ФАРРУХУ ФАРХУНДА БОД! Дар адабиёти классик ва муосири тоҷик баҳору Наврӯз бо самимияти хосса тараннум гардидааст
Дар Москва Ҷашни байналмилалии Наврӯзро бо намоиши расму оинҳои тоҷикӣ таҷлил карданд
НАВРӮЗИ ТОҶИКИСТОН ҶАШНИ ШЕЪРУ СУРУД АСТ. Эҳдо ба Рӯзи байналмилалии шеър
ХУШ ОМАДӢ, НАВРӮЗ! Тибқи ҳисобҳои астрономӣ, соати 02:30-и 21 март Наврӯз ба Тоҷикистон фаро расид
Дар Маркази омӯзиши пиряхҳо бо хонандагони муассисаҳои таълимӣ ҳамоиши омӯзишӣ доир шуд
ҶАШНЕ ДАР АВВАЛИ СОЛИ НАВИ ХУРШЕДӢ. Шарҳи асрори табиии Наврӯз аз нигоҳи астрономӣ
НАВРӮЗ, МОДАРИ ТОҶИК ВА СИМОИ МИЛЛӢ. Дар ин баҳори хуҷастапай на фақат табиат, балки ҳунар низ гул кардааст
Наврӯз дар боғҳои фарҳангӣ-фароғатии Тоҷикистон бо шукуҳу шаҳомати хосса таҷлил карда мешавад
ИМРӮЗ-РӮЗИ КОРМАНДОНИ СОҲАИ ФАРҲАНГ. Бо талоши онҳо Тоҷикистон ба дастовардҳои беназир комёб гардид
Дар арафаи Ҷашни байналмилалии Наврӯз дар шаҳри Турсунзода иншооти соҳаи тандурустӣ ба истифода дода шуд
Дар Душанбе Маркази «Пажӯҳиши афкори сиёсӣ ва илмии Пешвои миллат» таъсис ёфт
Имрӯз дар Душанбе маҳфили ёдбуди Ҳунарпешаи халқии Тоҷикистон Убайдулло Раҷабов баргузор мегардад