Дар шаҳри Ваҳдат Озмуни шаҳрак ва деҳоти беҳтарин ҷамъбаст карда шуд

Ноябрь 26, 2019 11:23

ДУШАНБЕ, 26.11.2019 /АМИТ «Ховар»/. Бо ташаббуси Кумитаи рушди маҳали назди Президенти Ҷумҳурии Тоҷикистон дар вилоятҳо ва шаҳру ноҳияҳо озмуни шаҳрак ва деҳоти беҳтарин гузаронида шуда истодааст.

Ин тасмим бо мақсади иҷрои Амри Президенти Ҷумҳурии Тоҷикистон аз 6 марти соли 2019 дар бораи “Нақшаи чорабиниҳо бахшида ба Солҳои рушди деҳот, сайёҳӣ ва ҳунарҳои мардумӣ” ва сазовор истиқбол намудани ҷашни 30-солагии Истиқлолияти давлатии Ҷумҳурии Тоҷикистон равона гардидааст.

Дар робита ба ин дар шаҳри Ваҳдат ҷаласаи Комиссияи озмунии мақомоти иҷроияи ҳокимияти  давлатии шаҳр оид ба натиҷаҳои баргузории озмун ҷиҳати муайян намудани шаҳрак ва деҳоти  беҳтарин баргузор гардид.

Дар ҷаласа раиси комиссияи шаҳрӣ, муовини якуми раиси шаҳр Абдувосеъ Ятимзода зикр намуд, ки дар доираи тайёрӣ ва гузаронидани озмуни мазкур корҳои ободонӣ, бунёдкориву созандагӣ дар маҳалҳо вусъати тоза ёфта, дар баланд бардоштани ҳисси хештаншиносӣ ва ватандӯстӣ, беҳтар гардонидани вазъи соҳаҳои маориф, фарҳанг, тандурустӣ ва тоза нигоҳ доштани муҳити зист нақши муҳим мебозад.

Дар ин раванд қарори Раиси шаҳри Ваҳдат ҷиҳати дар сатҳи баланд баргузор намудани Озмуни шаҳрак ва деҳоти беҳтарин бо ҳайати комиссия ва низомномаву меъёрҳои муайяни шаҳрак ва деҳоти беҳтарин таҳия ва тасдиқ гардида, дар асоси нақшаи чорабиниҳои ноҳия даври якуми он бо иштироки аъзои комиссияи ноҳиявӣ баргузор гардид ва аз натиҷаи он санади дахлдор тартиб дода шуд. Тибқи санади комиссияи ноҳиявӣ,   ғолибони даври якум аз байни 11 ҷамоати деҳот ва шаҳрак ғолибони озмун муайян гаштанд.

Дар номинатсияи “Ҷамоати деҳоти беҳтарин”  ҷои якум насиби Ҷамоати деҳоти “Бозорбой Бурунов” шуд. Ғолиби ҷои дуюм Ҷамоати деҳоти “Симиганҷ” ва ғолиби ҷои сеюм Ҷамоати деҳоти “Раҷаб Исмоилов” гардиданд.

Ба ғолибон ҳайати комиссия туҳфаҳои хотиравӣ тақдим намуд.

 

Ноябрь 26, 2019 11:23

Хабарҳои дигари ин бахш

Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Ҳисор бо иштироки муовини Сарвазири Тоҷикистон иншооти гуногуни ҷашнӣ ба истифода дода шуд
Бахшида ба 35-солагии Истиқлоли давлатӣ дар Кушониён синфхонаҳои иловагӣ ба истифода дода шуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
Дар ноҳияи Шаҳринав бинои нави шуъбаи рентгенӣ ба истифода дода шуд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад