Муҳаммадҳасан Шоҳмаҳмадов дар Мусобиқаи байналмилалӣ оид ба таэквондо дар Чин сазовори медали нуқра гардид
ДУШАНБЕ, 11.11.2019. /АМИТ «Ховар»/. Таэквондочии ҷавони тоҷик Муҳаммадҳасан Шоҳмаҳмадов дар мусобиқаи байналмилалӣ дар Ҷумҳурии Мардумии Чин сазовори медали нуқра гардид. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.
Тибқи иттилои манбаъ, Мусобиқаи байналмилалӣ оид ба таэквондои ҷаҳонӣ миёни ҷавонон ва калонсолон («2019 The Belt and Road China Open International Taekwondo Championships — World Taekwondo — G-1») аз 7 то 9 ноябр дар шаҳри Сиани Ҷумҳурии Мардумии Чин доир гардид.
Дар мусобиқа беш аз 500 нафар варзишгар аз 20 давлати қораҳои Осиё ва Африқо ширкат карданд.
Аз ҷумҳурии Тоҷикистон 4 нафар варзишгарон–Ширинмоҳ Миршакарзода, Моҳру Ҳалимова, Хуррам Меҳтаршоев ва Муҳаммадҳасан Шоҳмаҳмадов ба Чин сафарбар гардиданд.
Дар рӯзи сеюми мусобиқа Муҳаммадҳасан дар вазни-73кг миёни ҷавонон ба гирифтани медали нуқра мушарраф гардид.
Ёдовар мешавем, ки ин 5-умин медали Муҳаммадҳасан Шоҳмаҳмадов аз мусобиқаҳои байналмилалӣ дар соли равон мебошад. Ӯ аз Чемпионати Осиё миёни ҷавонон дар Урдун медали биринҷӣ, мусобиқаҳои байналмилалии «Namangon Open» (Ӯзбекистон) ва «Chuncheon Korea Open G-2» (Ҷумҳурии Корея) медали тилло ва аз мусобиқа ба хотираи Суйлиш Батир дар Қазоқистон медали биринҷӣ ба даст овардааст.
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
