Бонки Исломии Рушд баҳри беҳтар намудани хизматрасонии тиббӣ ба модар ва кӯдак дар ҳаҷми 23 миллион доллар сармоягузорӣ менамояд
ДУШАНБЕ, 16.12.2019. /АМИТ «Ховар»/. Бонки Исломии Рушд бо мақсади беҳтар намудани хизматрасонии тиббӣ барои модар ва кӯдак дар Ҷумҳурии Тоҷикистон дар ҳаҷми 23 миллион доллари америкоӣ сармоягузорӣ менамояд. Дар ин хусус имрӯз зимни ҷаласаи навбатии Шӯрои Маҷлиси намояндагон, ки таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров баргузор гардид, иттилоъ дода шуд.
Тавре АМИТ «Ховар» бо истинод ба котиби матбуоти палатаи поёнии Парлумони Тоҷикистон Муҳаммадато Султонов иттилоъ медиҳад, дар ҷаласаи Шӯро Созишномаи қолабӣ байни Ҷумҳурии Тоҷикистон ва Бонки Исломии Рушд оид ба лоиҳаи «Беҳтар намудани хизматрасонии тиббӣ барои модар ва кӯдак дар чор ноҳияи вилояти Хатлони Ҷумҳурии Тоҷикистон» баррасӣ шуд.
Зикр гардид, ки Созишномаи мазкур 28 августи соли 2019 дар шаҳри Душанбе ба имзо расида, ҷиҳати тасдиқ аз тарафи Президенти Ҷумҳурии Тоҷикистон ба Маҷлиси намояндагони Маҷлиси Олии Ҷумҳурии Тоҷикистон пешниҳод гардидааст.
Гуфта мешавад, ки Созишнома бо мақсади баланд бардоштани дастрасии хизматрасонӣ ба модарону кӯдакон, рушди институтсионалӣ ва захираҳои инсонӣ дар муассисаҳои тиббии таҷрибавӣ, огоҳии аҳолӣ ва рафтори ҳифзкунандаи саломатӣ, инчунин таъсиси низоми интиқоли беморон дар чор ноҳияи таҷрибавӣ татбиқ мегардад.
«Ҳадафи тадбиқи Созишномаи молиявии мазкур таҷдид ва муҷаҳҳаз гардонидани муассисаҳои тандурустӣ дар чор ноҳияи вилояти Хатлон, аз ҷумла ноҳияҳои Балҷувон, Данғара, Ховалинг ва шаҳри Норак, инчунин таҳкими сатҳи касбияти кормандони соҳаи тандурустӣ тавассути гузаронидани курсҳои омӯзишӣ мебошад», — афзуд манбаъ.
Маблағи умумии лоиҳа 26,87 млн. доллари амрикоиро ташкил дода, аз он 23,0 млн. доллари амрикоӣ саҳми Бонки Исломии Рушд, 2,86 млн. доллари амрикоӣ ҳиссаи Ҳукумати Ҷумҳурии Тоҷикистон ва боқимонда сармоягузории дигар шарикони рушд мебошад.
Ёдовар мешавем, ки аъзои Шӯро як зумра масъалаҳои дигарро баррасӣ ва аз рӯи онҳо қарорҳои дахлдор қабул намуданд.
Акс аз бойгонӣ
Созишнома байни Ҳукумати Тоҷикистон ва Ҳукумати Амороти Муттаҳидаи Арабӣ оид ба алоқаи ҳавоӣ қабул гардид
Доир ба рушди дипломатияи парламентӣ дар даврони соҳибистиқлолии Тоҷикистон ҳамоиш баргузор шуд
Ҳамкории байнипарламентии Тоҷикистон ва Қазоқистон тақвият меёбад
Мавсума Муинӣ: «Мавқеъ ва саҳми занон дар дипломатияи парламентии Ҷумҳурии Тоҷикистон намоён аст»
Ҷаласаи ғайринавбатии Шурои Маҷлиси намояндагони Маҷлиси Олӣ баргузор гардид
Кумитаи доимии Ассамблеяи парлумонии Осиё Қатънома оид ба фарҳанги истифодаи оқилонаи захираҳои обро қабул намуд
Кумитаи доимии Ассамблеяи парлумонии Осиё Қатънома оид ба таҳкими фарҳанги сулҳ, таҳаммулпазирӣ ва эҳтироми арзишҳои фарҳангии миллатҳоро қабул намуд
Файзалӣ Идизода бо Котиби генералии Ассамблеяи парламентии Осиё Муҳаммадризо Маҷидӣ вохӯрӣ намуд
26 СЕНТЯБР — РӮЗИ МАҶЛИСИ ОЛӢ — ПАРЛАМЕНТИ ҶУМҲУРИИ ТОҶИКИСТОН. Фаъолияти мақоми қонунгузор барои пешрафти давлат равона шудааст
Вохӯрии роҳбарони гурӯҳҳои дӯстии байнипарлумонии Ҷумҳурии Тоҷикистон ва Давлати Қатар доир шуд
Муҳаммадризо Маҷидӣ: «Фарҳанг чун яке аз пояҳои муколама ва ҳамдигарфаҳмӣ байни мардуми Осиё хизмат менамояд»
Файзалӣ Идизода: «Ассамблеяи парламентии Осиё дар ташаккули фазои ҳамдигарфаҳмӣ ва ҳамбастагӣ нақши муҳим дорад»
