Дар бинои 11-ошёнаи истиқоматии хиёбони Рӯдакии шаҳри Душанбе сӯхтор ба амал омад
ДУШАНБЕ, 16.12.2019 /АМИТ «Ховар»/. Дирӯз, 15 декабр, соати 15:43, дар бинои 11-ошёнаи истиқоматии хиёбони Рӯдакӣ, № 55/1-и ноҳияи Исмоили Сомонии шаҳри Душанбе сӯхтор ба амал омад. Мутаассифона, то ба ҷойи ҳодиса расидани оташнишонон аз таъсири дуди ғализ иҷоранишини бинои мазкур Гугинева Натела Хурамовнаи 39-сола, миллаташ гурҷӣ, шаҳрванди вилояти Чимкенти Ҷумҳурии Қазоқистон ба ҳалокат расидааст.
Тавре аз маркази матбуоти Вазорати корҳои дохилӣ ба АМИТ «Ховар» хабар доданд, бо қабули хабар кормандони Хадамоти давлатии оташнишонии Вазорати корҳои дохилии Ҷумҳурии Тоҷикистон фавран ба ҷойи ҳодиса бо 6 адад нақлиёти асосиву махсус сафарбар карда шуданд. Ҳангоми ба маҳалли ҳодиса расидани кормандони оташнишонӣ шахтаи барқии бинои истиқоматиро дар долонҳои бинои мазкур, аз ошёнаи 8-ум то 11-ум оташ фаро гирифта, дуди ғализи бошиддат паҳншавандаи он сокинони биноро ба таҳлуқа оварда буд.
Дар натиҷаи гузаронидани амалиёти саривақтӣ аз ҷониби кормандони Хадамоти давлатии оташнишонӣ ва дуруст сафарбар шудани қувваю воситаҳо имкон пайдо гардид, ки сӯхтор ба ҳуҷраҳои истиқоматӣ паҳн нагардида, зуд хомӯш карда шавад.
Тибқи иттилои манбаъ, зимни азназаргузаронии ҷойи ҳодиса коршиносони соҳа муайян намуданд, ки сабаби сӯхтор сарбории зиёд дар ноқилҳои барқӣ ва истифодаи аз меъёр зиёди неруи барқ аз тарафи сокинон будааст.
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
