ДАСТОВАРДҲОИ СОЛИ 2019. Гулмоҳии Тоҷикистон бо сипосномаи ширкати байналмилалии «Slow Food» қадрдонӣ шуд

Декабрь 28, 2019 11:45

ДУШАНБЕ, 28.12.2019. /АМИТ «Ховар»/. Гулмоҳии амударёии Тоҷикистон бо сипосномаи ширкати байналмилалии «Slow Food» қадрдонӣ шуд, хабар медиҳад АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон.

«Президенти ширкати байналмилали «Slow Food» дар сипоснома иброз намудааст, ки «Slow Food» барои барқарорсозӣ ва нигоҳдории гулмоҳии амударёӣ ва дар амал паҳн намудани ғизои боллазату аз лиҳози экологӣ тоза самимона ба мардум ташаккур мегӯяд», — илова намуд манбаъ.

Ёдовар мешавем, ки чанде пеш дар шаҳри Турини Италия Фестивали байналмилалии «Slow Food» баргузор гардид, ки дар он намояндагони ташкилоти ҷамъиятии «Ҳудудҳои табиии махсусҳифзшавандаи табиати Тоҷикистон» ва кооперативи истеҳсолии «Ҳакимӣ» бо дастгирии Кумитаи рушди сайёҳӣ иштирок намуда, гулмоҳии амударёӣ (моҳии шоҳона) ва оши палови тоҷикиро муаррифӣ намуданд.

Инчунин намояндагони Тоҷикистон ба иштирокдорони фестивал доир ба манзараҳои зебову афсонавӣ, кӯлу дарёҳои мусаффо, таъриху фарҳанги қадимаи Тоҷикистон расму наворҳои ҷолиб ва хӯрокҳои миллӣ пешниҳод карданд.

Мавриди зикр аст, ки диққати ҳозиринро бахусус, маълумот дар бораи гулмоҳии амударёӣ ҷалб намуда буд.

Мавриди зикр аст, ки Фестивали байналмилалии «Slow Food» имрӯз ба ҳаракати ҷаҳонӣ табдил ёфта, бо мақсади таъмини дастрасӣ ба ғизои тозаву солим дар беш аз 160 кишвари ҷаҳон миллионҳо нафарро бо ҳам муттаҳид намудааст. Он тӯли 30 сол боз фаъолиятро зери шиори «Ғизои мо, сайёраи мо, ояндаи мо» идома медиҳад.

«Бояд гуфт, ки моҳии амударёӣ бо лаззату тамъи худ ҳамто надошта, қаблан низ сазовори «Ситораи тиллоӣ» дар шаҳри Женева гардида буд. Ин омил метавонад диққати садҳо ҳазор сайёҳону меҳмононро ба Тоҷикистон ҷалб намояд», — тазаккур доданд масъулини Кумитаи рушди сайҳӣ.

ДАР АКСҲО: Лаҳзаҳои тамошои сайёҳон аз дарёҳои Тоҷикистон

Декабрь 28, 2019 11:45

Хабарҳои дигари ин бахш

Дар Котиботи СҲШ дар Пекин ба муносибати ҷашни Наврӯз ҳамоиши тантанавӣ баргузор шуд
Ширкатҳои сайёҳии Тоҷикистон, Қирғизистон ва Узбекистон ҳамкориро рушд медиҳанд
«НАВРӮЗ-ҚАДИМТАРИН МЕРОСИ ФАРҲАНГИ САЙЁҲӢ ДАР МИНТАҚА». Муколамаи минтақавии Тоҷикистон, Қирғизистон ва Узбекистон баргузор гардид
Форуми II байналмилалии «Суғд-чорроҳаи роҳи бузурги абрешим» баргузор мегардад
Дар Душанбе Фестивали байналмилалии «Наврӯз — мероси фарҳангию ҷаҳонгардӣ» баргузор гардид
Дар Чин имкониятҳои сайёҳии Тоҷикистон муаррифӣ мешаванд
«ЧИЛДУХТАРОН». Табиати нотакрор ва чашмаҳою гиёҳҳои шифобахши ин мавзеъ шуҳрати беандоза дорад
Донишгоҳи байналмилалии сайёҳӣ ва соҳибкории Тоҷикистон ҷиҳати иштирок дар рейтинги ҷаҳонии донишгоҳҳои «сабз» қадамҳои устувор мегузорад
Имкониятҳои сайёҳии шаҳри Душанбе ва таҷлили ҷашни Наврӯз аз ҷониби блогерони хориҷӣ тарғиб мешаванд
Дар Кумитаи рушди сайёҳӣ барои сайёҳони хориҷӣ телефони боварӣ ташкил гардид
Дар Душанбе Форуми IV байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор шуд
Нахустин хатсайри мустақими ҳавоии Бишкек-Хуҷанд-Бишкек фаъол гардид