Тоҷикистон минбаъд метавонад аз Корея маблағҳои грантӣ ҷалб намояд
ДУШАНБЕ, 25.12.2019. /АМИТ «Ховар»/. Тоҷикистон минбаъд метавонад лоиҳаҳои афзалиятнокро барои баррасӣ ба ҷониби Корея ирсол ва маблағҳои грантӣ ҷалб намояд. Дар ин бора имрӯз зимни тасдиқи Созишномаи қолабӣ оид ба кумаки грантӣ байни Ҳукумати Ҷумҳурии Тоҷикистон ва Ҳукумати Ҷумҳурии Корея дар Маҷлиси намояндагони Маҷлиси Олии Ҷумҳурии Тоҷикистон иттилоъ дода шуд.
Тавре АМИТ «Ховар» бо истинод ба Маҷлиси намояндагони Маҷлиси Олии Ҷумҳурии Тоҷикистон хабар медиҳад, Созишномаи мазкур зимни ҷаласаи навбатии иҷлосияи шашуми Маҷлиси намояндагони Маҷлиси Олии Ҷумҳурии Тоҷикистон, даъвати панҷум, ки имрӯз таҳти раёсати Раиси Маҷлиси намояндагон Шукурҷон Зуҳуров баргузор гардид, аз ҷониби вакилони мардумӣ тасдиқ карда шуд.
Ба иттилои манбаъ, мақсади бастани Созишнома ҷалби маблағҳои грантӣ ва сармоягузориҳои мустақими ҷониби Корея барои таъмини рушди устувори иқтисодиву иҷтимоии мамлакат мебошад.
Илова бар ин, Созишномаи мазкур заминаи мусоид барои таъсис додани дафтари Агентии Корея оид ба ҳамкории байналмилалӣ (KOICA) дар Тоҷикистон мебошад.
Гуфта мешавад, ки Ҳукумати Ҷумҳурии Корея барои рушди кишварҳои рў ба тараққӣ дар доираи Фонди махсус (EDCF) қарзҳои имтиёзнок ба андозаи 0,1 фоиз пешниҳод менамояд.
Ёдовар мешавем, ки дар ҷаласа вакилони мардумӣ як зумра масъалаҳоро баррасӣ ва аз рӯи он қарорҳои дахлдор қабул намуданд.
Акс аз бойгонӣ
Ба Қонуни Ҷумҳурии Тоҷикистон «Дар бораи Бонки миллии Тоҷикистон» тағйироту илова ворид гардид
Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Ҷумҳурии Узбекистон мулоқот намуд
Вакилони Маҷлиси намояндагони Тоҷикистон дар ҷаласаи муштараки комиссияҳои доимии Ассамблеяи байнипарлумонии ИДМ иштирок намуданд
Ба Қонуни Ҷумҳурии Тоҷикистон «Дар бораи пешгирии зӯроварӣ дар оила» тағйиру иловаҳо ворид карда шуд
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Муовини Раиси Маҷлиси намояндагон бо Роҳбари Хазинаи кӯдакони Созмони Милали Муттаҳид дар Тоҷикистон мулоқот намуд
Дар Душанбе мулоқоти вакилони Парлумони Тоҷикистон бо намояндагони Туркманистон баргузор шуд
Вакили Парлумон дар ҷаласаи комиссияи назоратию буҷетии Ассамблеяи байнипарлумонии Иттиҳоди Давлатҳои Мустақил ба таври фосилавӣ иштирок намуд
Раиси Маҷлиси намояндагони Маҷлиси Олии Ҷумҳурии Тоҷикистон бо Пешвои миллии халқи туркман-Раиси Халқ Маслиҳатии Туркманистон мулоқот анҷом дод
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Пешвои миллии халқи туркман, Раиси Халқ Маслиҳатии Туркманистон Гурбонгулӣ Бердимуҳамедов мулоқот намуданд
Ҷаласаи Шурои коршиносон оид ба экология ва идоракунии захираҳои табиӣ дар Ассамблеяи байнипарлумонии мамлакатҳои Иттиҳоди Давлатҳои Мустақил доир шуд
ҲАМОВОЗӢ. Дар Парлумон оид ба мулоқоти Президенти Тоҷикистон бо фаъолон, намояндагони ҷомеа ва ходимони дин ҳамоиш доир гардид
